ᒥᓗᑦᓯᖃᑦᑕᕐᓂᖅ ᓴᒃᑯᐃᖃᑦᑕᕐᓂᕐᓗ ᐳᓪᓚᒥᒃ ᐃᒪᕕᓐᓄᑦ ᐃᓗᓕᓪᓗᐊᑕᕆᔭᐅᔪᑦ ᐊᐅᒪᑦᓯᔪᖅ ᐃᓗᓕᖓᓂᒃ CO2 ᓯᓚᑐᐃᓐᓇᕐᒥ. CO2 ᐃᑲᔪᖅᓯᓯᒪᓪᓚᕆᑦᑐᖅ ᓄᓇᕐᔪᐊᕐᒥ ᐱᕈᖅᓰᕕᑦᑎᑐᑦ ᐊᑦᑐᖅᑕᐅᓯᒪᓂᕐᒥᒃ. ᐃᒪᕕᒻᒥ, CO2 ᐊᐅᓚᑕᐅᒻᒪᑦ ᐆᒪᔪᐊᕐᔪᓐᓄᑦ, ᐊᐅᓚᓂᖓᓄᑦ ᐃᒪᐅᑉ, ᐊᒻᒪᓗ ᐃᓗᓕᓪᓗᐊᑕᖏᓐᓄᑦ ᐃᒪᐅᑉ ᐱᖃᓯᐅᑎᑦᓱᓂ ᓂᕈᒥᓐᓂᖓ ᑕᕆᐅᖑᓂᖓᓗ.
ᐱᑕᖃᖅᑐᖅ ᐅᒥᓱᐊᓐᓂᒃ ᐃᒪᕕᐅᑉ ᕐᑳᖓᓂ CO2-ᓂᒃ, ᑕᒪᒃᑮᓐᓂ, ᐊᒻᒪᓗ ᓇᒥᑐᐃᓐᓇᖅ ᐃᓂᒋᔭᐅᔪᒥ. ᐃᓘᓐᓈᒍᑦ ᓂᕆᐅᑦᑐᒍᑦ ᐊᕕᑦᑐᑦᓯᒪᓂᖏᓐᓂ ᐅᑭᐅᖅᑕᖅᑑᑉ ᐃᒪᕕᖓᑕ, ᐱᖃᓯᐅᑦᑎᓱᒃ ᐊᑦᑐᐊᔪᑦ ᐃᒪᕖᑦ ᐃᓚᐅᑎᒋᐊᖏᑦ ᓯᓚᐃᓐᓇᕐᒥ CO2-ᒥ.
ᖁᑦᓯᓐᓂᖏᑦ CO2 ᐅᖃᐅᓯᐅᒪᔪᑦ ᐅᑭᐅᖅᑕᖅᑐᒥ ᐃᒪᕕᓐᓂ ᓴᕐᕙᓂᓗ, ᑕᐃᒪᐃᒻᒪᑦ ᐱᒻᒪᕆᐅᕗᖅ ᑐᑭᓯᓂᕗᑦ ᐊᖏᓂᖓᓂᒃ CO2 ᓯᓚᐃᓐᓇᕐᒦᑦᑐᖅ ᐅᑭᐅᖅᑐᖅᑐᒥ, ᐊᒻᒪᓗ ᓱᒻᒪᑦ, ᖃᐅᔨᓴᑦᓯᐊᕈᑎᒋᓗᒍ ᑕᒪᕐᒥᒃ ᑐᑭᓯᓂᕗᑦ ᐃᒪᕐᒥ ᐳᓪᓚᐅᑉ ᐊᐅᓚᓂᖓᓂᒃ, ᐊᒻᒪᓗ ᓯᓇᐃᓐᓇᕐᒥ CO2 ᑕᒻᒪᐅᖅᑲᖏᒃᑲᓗᐊᕐᒪᖔᑕ. ᑭᖑᓪᓕᖅ ᑕᒻᒪᐅᖅᑲᖏᑦᑐᓂᒃ ᖃᐅᔨᓴᕈᑎᒋᓯᒪᒋᐊᓕᕗᑦ ᐳᓪᓚᓅᖓᔪᓂ ᐅᑭᐅᖅᑕᖅᑐᒥ, ᖃᐅᔨᓴᓕᐅᒥᔮᕆᐊᖃᖅᓱᒋᑦ ᐃᒪᐃᑦ ᕐᑳᖓᓂ CO2, ᐊᖏᓈᖅᓯᒪᔪᓂ. ᖃᖓᑦᑕᖅᑕᐅᓯᒪᔪᒃᑯᑦ ᖃᐅᔨᓴᐅᑏᑦ ᐊᑲᐅᓂᖅᐸᐅᕗᑦ ᖃᐅᔨᓴᕈᑎᒋᓗᒋᑦ ᑖᑦᓱᒪᓐᖓᑦ. ᖃᐅᔨᓴᕈᑏᑦ CGS Amundson-ᒥᒃ ᐃᓚᒋᔭᐅᓪᓗᓂ ᐊᕐᕌᒍᑕᒫᑦ ArcticNet-ᑯᑦ ᐃᖏᕐᕋᓂᖓᓐᓄᑦ ᐃᑲᔪᖅᑐᑦ ᐅᕙᑦᑎᓐᓂᒃ ᑐᑭᓯᕙᓪᓕᐊᑎᓪᓗᑕ ᐊᔾᔨᒌᓐᖏᑦᑐᓂᒃ ᕐᑳᖓᓄᑦ ᐃᒪᕕᐅᑉ CO2-ᖓᑕ ᑲᓇᑕᒥ ᓯᓈᖏᓐᓂ ᐅᑭᐅᖅᑕᖅᑐᒥ, ᐱᖃᓯᐅᑎᑦᓱᓂ ᑕᓯᐅᔭᕐᔪᐊᖅ, ᐃᓕᑉᐸᓪᓕᐊᑦᓱᑕᓗ ᖃᓄᖅ ᑕᕆᐅᑉ ᓯᑯᖓ ᑰᓪᓗ ᐊᑦᑐᐃᓂᐊᕐᒪᖔᑕ ᑕᕆᐅᑉ ᐃᒪᖓᓂᒃ CO2-ᒥᒃ, ᐊᒻᒪᓗ ᐊᓯᔾᔨᑕᕐᓂᖓ ᓯᓚᑐᐃᓐᓇᐅᑉ - ᐃᒪᐅᑉ ᓄᑦᑕᕐᓂᖓᑕ.
ᖃᐅᔨᓴᓲᖑᔪᒍᑦ CO2-ᒥᑐᐃᓐᓇᐅᓐᖏᑦᑐᖅ ᓯᓚᑐᐃᓐᓇᕐᒥ ᐊᒻᒪᓗ ᑕᕆᐅᕐᒥ ᐃᒪᕐᒥ, ᑭᓯᐊᓂᑦᑕᐅᖅ ᐱᒻᒪᕆᐹᓘᒻᒪᑕ ᐃᒪᕐᒦᑦᑐᑦ (ᓲᕐᓗ ᑕᕆᐅᖑᓂᖓ, ᓂᕈᒥᓐᓂᖓ, ᐆᒪᔪᖏᑦ) ᐊᖏᓂᖏᑦ ᐃᖏᕐᕋᓂᖏᓪᓗ ᐆᓇᕐᓂᐅᔪᑦ (ᓲᕐᓗ ᓯᕿᓂᕐᒥᒃ) ᑕᑯᒍᓐᓇᖁᓪᓗᑕ CO2-ᖃᕐᓂᖓᓂᒃ, ᐊᑦᑐᐊᔪᓂᓪᓗ ᐊᓯᔾᔨᕐᑕᕐᓂᐅᔪᓂᒃ ᓄᓇᓕᓐᓂ ᐊᕙᑎᒧᑦ. ᐃᖅᑲᓇᐃᔮᖃᖅᑐᒍᑦ ᑐᕌᒐᖃᖅᓱᑕ ᐱᐅᓯᕚᓪᓕᑎᑦᓯᓂᕐᒥᒃ CO2 ᓄᑦᑕᕐᓂᖓ ᑕᑯᑦᐅᒻᒪᖔᖅ ᐃᒪᕕᒻᒥ ᐊᐅᓚᓂᐅᔪᓂ.
ᐱᕙᓪᓕᐊᑎᑦᓯᒻᒥᔪᒍᑦ ᖃᐅᔨᓴᕈᑎᑦᓴᒥᒃ ᓯᓚᐅᑉ-ᐃᒪᐅᑉ ᓄᑦᑕᕐᓂᖓᓂᒃ ᐊᑐᖅᓱᑕ ᖃᖓᑦᑕᖅᑎᑕᐅᓯᒪᔪᓂᒃ. ᐊᓯᔾᔨᕐᓂᐅᔪᑦ ᑕᕆᐅᑉ ᐃᒪᖓᓂ CO2-ᖃᕐᓂᖓᓄᑦ ᐊᒻᒪᓗ ᓯᓚᐅᑉ-ᐃᒪᐅᑉ ᓄᑦᑕᕐᓂᖓ ᓇᓗᓇᐃᕈᑕᐅᓂᐊᕐᒪᑕ ᐊᓯᔾᔨᕐᓂᒻᒪᕆᐅᔪᓂᒃ ᐊᕕᑦᑐᖅᓯᒪᔪᓂ ᐆᒪᖃᑎᒌᑦᑐᓄᑦ ᑕᕝᕙᕈᑐᐃᓐᓇᕆᐊᖃᖅᓱᓂ ᓯᑯᖃᕐᓂᐅᑉ ᐊᓯᔾᔨᐸᓪᓕᐊᓂᖓᓄᑦ ᐃᔾᔪᓂᖓᓄᓪᓗ, ᐊᒻᒪᓗ ᐊᓯᔾᔨᐸᓪᓕᐊᔪᖅᑎᒍᑦ ᑕᕆᐅᑉ ᐃᒪᐅᑉ ᐃᖏᕐᕋᓂᖓᑕ ᐃᓗᓕᖏᑦᑕᓗ, ᐊᑦᑐᐊᔪᐃᓐᓇᐅᑦᓱᑎᒃ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ.
ᖃᐅᔨᓴᕐᕖᑦ
ᖃᐅᔨᓴᕐᕖᑦ ᐋᖅᑭᑦᑕᐅᓯᒪᔪᑦ CGS Amundsen-ᒥ ᐱᕙᓪᓕᐊᔪᒍᑦ ᑲᔪᓯᖏᓐᓇᖅᑐᓂᒃ ᑲᑎᖅᓱᖅᓯᒪᔪᓂᒃ ᐅᒥᐊᕐᔪᐊᖅ ᐃᖏᕐᕋᑎᓪᓗᒍ. ᓯᑯᓂᒃ ᖃᐅᔨᓴᕐᕕᐅᒧᑦ ᐊᐅᓚᓂᖃᖅᓯᒪᔪᑦ Barrow Strait-ᒥ, ᓴᓂᐊᓂ ᖃᐅᓱᐃᑦᑐᖅ, ᓄᓇᕗᑦ.
ᓄᓇᓕᓐᓂ ᑲᑐᔾᔨᖃᑎᒌᓐᓂᖅ
ᑲᑐᔾᔨᖃᑎᖃᓪᓚᕆᑉᐸᑦᑐᒍᑦ ᐃᓘᓐᓇᖏᓐᓂᒃ ArcticNet ᐅᒥᐊᕐᔪᐊᓂᒃ ᑐᓐᖓᕕᖃᖅᑐᓂᒃ ᐱᓕᕆᖃᑎᒌᑦᑐᓂᒃ ᑕᑯᓐᓇᖅᓱᒋᑦ CO2-ᖃᕐᓂᖓᓂᒃ ᐃᒪᕕᐅᑉ ᑐᓐᖓᕕᖃᖅᑐᖅ ᐃᓗᓕᖏᓐᓂᒃ, ᑕᑯᑦᓴᒃᑯᑦ ᐊᒻᒪᓗ ᖁᐱᕐᕈᐊᕐᔪᖃᕐᓂᖓᒍᑦ ᐃᒪᕕᐅᑉ ᕐᑳᖓᑦᑕᓗ (ᐃᒪᕕᐅᑉ ᓯᑯᖓ). ᐱᓕᕆᖃᑎᒌᑦᑐᒍᑦᑕᐅᖅ ᐊᑐᐃᓐᓇᐅᑎᑦᓯᒍᓐᓇᖅᑐᒍᑦ ᐊᓯᑦᑎᓐᓄᑦ ᐊᑑᑎᖃᒻᒪᕆᑦᑐᓂᒃ ᑐᓴᕋᑦᓴᓂᒃ ᐊᒥᒧᓄᑦ ᐃᒪᕕᐅᑉ ᓯᓚᑐᐃᓐᓇᐅᓪᓗ ᐃᓗᓕᖏᓐᓄᑦ.
ᐊᐅᓚᓂᕐᒧᑦ ᑐᑭᓯᒋᐊᕐᕕᑦᓴᖅ:
ᑎᒻ ᐸᐸᑭᕆᐊᑯ
ᐃᓚᒋᔭᐅᔪᖅ ᑐᑦᑕᕐᕕᒻᒧᑦ ᓄᓇᕐᔪᐊᕐᒥ ᖃᐅᔨᓴᕐᕕᒻᒧᑦ ᐃᑲᔪᖅᑎ ᐃᓕᓴᐃᔨᕐᔪᐊᕐᒧᑦ
ᒥᓂᔅᑕᐅᕕᖓᓐᓂ ᐊᕙᑎᓕᕆᔨᒃᑯᑦ ᓄᓇᓐᖑᐊᓕᕆᔨᒃᑯᓪᓗ ᓯᓚᑦᑐᓴᕐᕕᔾᔪᐊᖓᓂ ᒫᓂᑑᕙᐅᑉ