ᑭᓪᓕᒋᔭᐅᔪᓂᒃ ᒥᓐᓂᒍᓚᐅᑎᔪᑦ, ᓄᑖᑦ ᐊᖅᑯᑎᕈᑐᐃᓐᓇᕆᐊᓖᑦ, ᐊᑐᐃᓐᓇᖃᕐᓂᖅ ᓄᓇᒥᐅᑕᕐᓂᖅ, ᐊᐅᓚᑦᓯᓂᕐᒧᓪᓗ ᐃᓱᒫᓘᑕᐅᔪᑦ ᐊᐅᓚᔾᔭᐃᓯᒪᒻᒪᑕ ᐊᓚᒡᒐᐃᑦᑐᓂᒃ ᐊᐱᖅᑯᑕᐅᔪᓂᒃ ᐅᑭᐅᖅᑕᖅᑑᑉ ᐊᑦᓱᖏᖅᓯᒪᓂᖓᓄᑦ ᐊᒻᒪᓗ ᓄᓇᐊᕐᔪᐊᑉ ᐅᑭᐅᖅᑕᖅᑐᖓᓂ ᓄᓇᒨᖓᔪᑦ ᒐᕙᒪᐃᑦ 2000-ᖏᓐᓃᓕᖅᑎᓪᓗᑕ.
ᓂᕆᐅᓐᓂᖅ ᓯᕗᓂᕐᒥ ᓵᓚᖃᖅᓯᒪᒐᓱᐊᕐᓂᐅᑐᐃᓐᓇᕆᐊᓕᓐᓄᑦ, ᐊᐳᖅᓯᒪᓂᐅᔪᓄᑦ ᐊᒻᒪᓗ ᑲᑐᔾᔨᖃᑎᒌᓐᓂᐅᔪᓄᑦ ᐱᔭᕆᐊᖃᕐᒪᑦ ᕿᒥᕐᕈᓂᖅᑕᖃᕐᓗᓂ ᓄᑖᓂᒃ ᐊᐅᓚᓂᐅᔪᓂᒃ ᑕᕝᕙᐅᔪᓂᒃ, ᑕᒪᒃᑮᓐᓂ ᓄᓇᕐᔪᐊᕐᒥ ᑲᓇᑕᒥᓗ.
ᐊᐅᓚᓂᕆᔭᕗᑦ ᕿᒥᕐᕈᓂᐅᔪᖅ ᑐᓐᖓᕕᐅᔪᓂᒃ ᐊᐱᖅᑯᑎᓂᒃ: ᓱᓇᐅᕙ ᐅᑭᐅᖅᑕᖅᑐᒥ ᐊᑦᓱᖏᖅᓯᒪᓂᖅ? ᓱᓇᓂᒃ ᐊᑐᐊᒐᓕᖅᐅᑏᑦ ᓂᕆᐅᒋᐊᖃᖅᑲᑦ ᐅᑭᐅᖅᑕᖅᑐᖓ ᓄᓇᕐᔪᐊᑉ ᖃᓄᐃᑦᑑᓛᕐᒪᖔᖅ ᓯᕗᓂᑦᑎᓐᓂ, ᑕᑯᓐᓇᖅᓱᒋᑦ ᐊᔾᔨᒌᓐᖏᑦᑐᑦ ᐊᐅᓚᓂᐅᔪᑦ ᒫᓐᓇ ᐋᖅᑭᑦᓱᐃᔪᑦ ᓄᓇᒥᒃ?
ᖃᐅᔨᓴᖅᑎᕗᑦ ᕿᒥᕐᕈᑦᓯᐊᕐᓂᐊᖅᑐᑦ ᐊᐅᓚᓂᔪᓂᒃ ᐱᖅᑯᓯᖅᑎᒍᑦ, ᐅᓇᓕᑦᓴᔭᖃᕐᓂᑎᒍᑦ ᐊᒻᒪᓗ ᐊᕙᑎᒨᖓᔪᑦ, ᐋᓐᓂᐊᖅᑐᐃᓕᒪᓂᕐᒧᑦ, ᐊᒻᒪᓗ ᐃᓅᓯᐅᑉ ᐊᑦᓯᖏᖅᓯᒪᓂᖏᓐᓄᑦ ᐃᓱᒫᓘᑕᐅᔪᑦ. ᐱᕙᓪᓕᐊᓂᕿᓯᒪᔭᕗᑦ ᓯᕗᓂᑦᑎᓐᓂ ᐊᑐᑎᒐᔭᖅᑐᓄᑦ - ᑐᓐᖓᕕᒋᑦᓱᒋᑦ ᖃᐅᔨᒪᓂᐅᓯᒪᔪᑦ ᐋᖅᑭᑦᓱᐃᖃᑦᑕᖅᓯᒪᔪᓄᑦ ᐊᐅᓚᓂᐅᖃᑦᑕᖅᓯᒪᔪᓂᒃ, ᐅᑭᐅᖅᑕᖅᑐᒥᐅᑦ ᐊᑑᑎᖃᖅᑕᖅᓯᒪᔭᖏᓐᓂᒃ ᓯᕗᓪᓕᐅᑎᔭᖏᓐᓂᓪᓗ, ᐊᒻᒪᓗ ᑐᑭᓯᓇᓱᐊᖅᑎᒻᒪᕆᑦᑎᒍᑦ ᐋᖅᑭᑦᓯᒪᓗᓂ ᓯᓚᐅᑉ ᐊᓯᔾᔨᐸᓪᓕᐊᓂᖓᑕ ᒥᑦᓵᓄᑦ ᑕᒫᓂ - ᐊᐅᓚᑦᓯᒍᑕᐅᓂᐊᖅᑐᖅ ᑎᒍᒥᐊᕐᓂᕐᒥᒃ ᐊᑐᐊᒐᐃᑦ ᐱᕙᓪᓕᐊᓂᖏᓐᓂᒃ.
ᓄᓇᓕᓐᓂᒃ ᐃᓱᒪᓯᐅᕆᓂᐅᒧᑦ ᑐᒍᑕᐅᓂᐊᖅᑐᑦ ᕿᒥᕐᕈᓯᒪᔭᑦᑎᓐᓄᑦ ᖃᓄᖅ ᐊᓯᔾᔨᐸᓪᓕᐊᔪᑦ ᓄᓇᒧᖓᔪᑦ ᒐᕙᒪᐃᑦ ᐅᑭᐅᖅᑕᖅᑐᒥ ᐊᑦᑐᐃᓂᖃᕐᓂᐊᕐᒪᖔᑕ ᐅᑭᐅᖅᑕᖅᑐᒥ ᐱᖅᑯᓯᕐᒥᒃ, ᖃᓄᐃᓐᖏᑦᓯᐊᕐᓂᕐᒥᒃ, ᖃᑭᒪᓇᓱᐊᕐᓂᐅᔪᓂᓪᓗ. ᐋᖅᑭᒋᐊᕐᓂᐊᖅᑕᕗᑦ ᑕᕝᕙᐅᔪᑦ ᑐᓐᖓᕕᐅᔪᑦ ᐋᖅᑭᑦᓯᒪᓂᐅᔪᓪᓗ ᐃᓚᒍᑦᓯᐅᔾᔨᓂᕐᒧᑦ ᐃᓗᓕᖅᑐᔪᓂᒃ ᑖᒃᑯᓇᓐᖓᑦ ᓄᑖᓂᒃ ᐊᐅᓚᓂᐅᔪᓂᒃ, ᑐᑭᓯᓇᖅᑎᒋᐊᑦᓯᐊᕐᓗᖏᑦ ᐊᐅᓚᓂᐅᔪᑦ ᒫᓐᓇ ᐊᑑᑎᔭᐅᔪᑦ, ᐊᐅᓚᔾᔭᐃᒍᑕᐅᓗᓂᓗ ᓈᒻᒪᓈᖅᓯᒪᔪᓂᒃ ᐃᓕᒍᑕᐅᔪᓂᒃ ᓯᕗᓂᑦᑎᓐᓂ ᑲᓲᒪᓂᕐᒧᑦ ᐱᕈᖅᓴᐃᕙᓪᓕᐊᓂᕐᒧᑦ.
ᖃᐅᔨᓴᕐᕕᐅᔪᑦ
ᐃᖃᓗᒃᑑᑦᑎᐊᖅ
ᐃᖃᓗᐃᑦ
ᖃᐅᓱᐃᑦᑐᖅ
ᒥᑦᑎᑕᒪᓕᒃ
ᐃᒃᐱᐊᕐᔪᒃ
ᓄᓇᓕᓐᓂ ᑲᑐᔾᔨᖃᑎᒌᓐᓂᐅᔪᑦ
ᕿᑎᕐᒥᐅᓂ ᐃᑦᓴᕐᓂᑕᓕᕆᔩᑦ ᑲᑐᔾᔨᖃᑎᒌᖏᑦ
ᑲᑐᔾᔨᖃᑎᒌᑦᓱᑎᒃ ᖃᐅᔨᓴᖅᑏᑦ ᐅᑭᐅᖅᑕᖅᑐᒥ
ᐊᐅᓚᓂᕐᒧᑦ ᑐᑭᓯᒋᐊᕐᕕᑦᓴᖅ
ᕌᕝ ᕼᐅᕙᑦ
ᐃᑲᔪᖅᑎ ᐊᐅᓚᑦᓯᔨᒥᒃ
ᑐᑦᑕᕐᕕᒃ ᐅᓇᑕᖅᑎᓄᑦ ᐅᐸᓗᖓᐃᔭᐅᑎᓂᓪᓗ ᐃᓕᓐᓂᐊᕐᓂᕐᒧᑦ
ᓯᓚᑦᑐᓴᕐᕕᔾᔪᐊᖓ ᑭᐅᒍᕆ
ᑭᐅᒍᕆ, ᐃᐅᓪᕘ T2N 1N4