You are here

ᑐᑦᑕᕐᕕᒃ

ᖃᐅᔨᓴᕐᓂᖅ

ᐅᑯᐊ ᑎᑎᕋᖅᓯᒪᔪᑦ ᐱᖃᓯᐅᔾᔨᔪᑦ ᖃᐅᔨᓴᕐᓂᕐᒧᑦ ᐊᐅᓚᔾᔭᒋᐊᕈᑕᐅᓯᒪᔪᓂᒃ, ᑲᑎᖅᓱᐃᕕᓐᓂᒃ ᐊᒻᒪᓗ ᑎᑎᕋᖅᓯᒪᔪᓂᒃ ᑲᔪᓯᔪᓂᒃ ᐱᔭᕇᖅᓯᒪᔪᓂᓪᓗ ᐊᐅᓚᓂᐅᔪᓂᑦ ᐊᑦᑐᐊᔪᓂᒃ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᓄᓇᕗᒻᒥ.

ᖃᐅᔨᓴᕐᓂᕐᒧᑦ ᐊᐅᓚᔾᔭᒋᐊᕈᑕᐅᒧᑦ

ᓄᓇᕗᒻᒥ ᐊᕕᑦᑐᖅᓯᒪᔪᓂ ᓱᖏᐅᑎᓂᕐᒧᑦ ᑲᑐᔾᔨᖃᑎᒌᓐᓂᖅ

ᓄᓇᕗᒻᒧᑦ ᑐᕌᖓᔪᖅ ᐊᐅᓚᓂᐅᔪᖅ ᑐᕌᒐᖃᖅᓱᓂ ᓯᕗᕙᖅᑎᑦᓯᓂᕐᒥᒃ ᓯᓚᐅᑉ ᐊᓯᔾᔨᕐᓂᖓᓄᑦ ᓱᖏᐅᑎᓂᕐᒧᑦ ᖃᐅᔨᒪᓂᕐᒥᒃ ᖃᓄᖅᑑᕈᑎᖃᕐᓂᕐᒥᓪᓗ ᐃᑲᔪᖅᓯᒍᑕᐅᔪᓄᑦ ᓄᓇᕗᒻᒥ.

ᐊᕕᑦᑐᖅᓯᒪᔪᓂ ᓱᖏᐅᑎᓂᕐᒧᑦ ᐊᐅᓚᔾᔭᒋᐊᕈᑏᑦ

ᐅᖃᐅᓯᖃᕐᓂᖅ ᓯᓚᐅᑉ ᐊᓯᔾᔨᕐᓂᖓᓂᒃ ᐊᒻᒪᓗ ᓇᓗᓇᐃᔭᐃᓂᖅ ᐊᐅᓚᓂᐅᔪᓂᒃ ᐃᑲᔪᖅᓯᓂᕐᒧᑦ ᒫᓐᓇ ᐊᒻᒪᓗ ᓯᕗᓂᑦᑎᓐᓂ ᓯᓚᐅᑉ ᐊᓯᔾᔨᕐᓂᖓᓄᑦ ᓱᖏᐅᑎᒍᑎᓂᒃ ᐊᐅᓚᓂᐅᔪᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ.

ArcticNet ᐃᓚᒍᑦᓯᐅᔾᔨᒪᔪᑦ ᐊᑦᑐᖅᑕᐅᓂᕐᒧᑦ ᖃᐅᔨᓴᕈᑎᓂᒃ (IRIS)

 ᑲᑎᑎᑦᓯᕙᑦᑐᑦ ᖃᐅᔨᒪᔪᕐᔪᐊᓂᒃ ᐊᐅᓚᑦᒥᔨᓂᓗ ᓄᓇᒥ ᐃᓄᓐᓂ ᖃᓄᐃᓐᓂᖏᓐᓄᑦ ᐊᒻᒪᓗ ᐃᓅᓯᕐᒧᑦ ᑐᑭᓯᓇᓱᐊᕆᐊᓕᓐᓄᑦ ᑲᑎᑎᑦᓱᑎᒃ ᑲᑐᔾᔨᖃᑎᒌᑦᑐᓂᒃ ᐃᓄᐃᑦ ᑎᒥᖁᑎᖏᓐᓂᒃ, ᐅᑭᐅᖅᑕᑐᒥ ᓄᓇᓕᓐᓂᒃ, ᒐᕙᒪᑐᖃᒃᑯᓐᓂ ᐊᕕᑦᑐᖅᓯᒪᔪᓂᓗ ᑎᒥᐅᔪᓂᒃ ᐊᒻᒪᓗ ᓇᒻᒥᓂᖃᖅᑐᓂᒃ ᕿᒥᕐᕈᖃᑎᒌᑦᓱᑎᒃ ᐊᑦᑐᐃᓂᖏᓐᓂᒃ ᓯᓚᐅᑉ ᐊᓯᔾᔨᕐᓂᖓᑕ ᓯᓈᖏᓐᓂ ᑲᓇᑕᐅᑉ ᐅᑭᐅᖅᑕᖅᑐᖓᑕ.

ᐃᓚᒍᑦᓯᐅᔾᔨᒋᑦ ᓄᓇᓕᑦᓯᓂ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ

ᖃᓄᖅ ᐃᓄᑐᖃᓯ ᓄᓇᓕᑦᓯᓐᓂᓗ ᓯᕗᓕᖅᑏᑦ ᐅᖃᐅᓯᑦᓴᖃᖅᑲᑦ ᐊᓯᔾᔨᐸᓪᓕᐊᔪᓄᑦ ᐊᕐᕌᒍᓂ ᐊᓂᒍᖅᑐᓂ? ᑎᑎᕋᕐᓗᒋᑦ ᖃᐅᔨᒪᓂᖏᑦ ᑕᑯᔭᖏᓪᓗ ᓯᓚᐅᑉ ᐊᓯᔾᔨᕐᓂᖓᓄᑦ ᑐᓴᖅᑕᐅᑎᓪᓗᒍᓗ ᐅᕙᑦᑎᓐᓄᑦ. ᓯᐊᒻᒪᖅᑎᕆᖃᑕᐅᓂᐊᖅᑐᑎᒃ ᓯᓚᐅᑉ ᐊᓯᔾᔨᐸᓪᓕᐊᓂᖓᑕ ᒥᑦᓵᓄᑦ ᐃᓚᒍᑦᓯᔾᔨᓗᑎᓪᓗ ᑐᖅᑯᖅᓯᒪᔪᓄᑦ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ!

ᖃᐅᔨᓴᕐᓂᖅ ᐃᑲᔪᖅᓯᒍᑏᑦ

ᖃᐅᔨᓴᖅᑏᑦ FAQ-ᖓᑦ

ᐊᐃᕙᔾᔪᑎᖃᕐᓂᖅ ᖃᐅᔨᓴᕐᓂᕐᒧᑦ ᑲᓲᒪᖃᑎᖃᕐᓂᕐᒥᒃ ᐃᓄᐃᑦ ᓄᓇᓕᖏᓐᓂᒃ; ᖃᐅᔨᓴᖅᑎᐅᑉ ᖃᐅᔨᒪᓕᑕᖏᑦ ᐸᕐᓇᑕᐅᓯᒪᔪᑦ ᐃᓄᐃᑦ ᑕᐱᕇᒃᑯᓐᓄᑦ ᑲᓇᑕᒥ ᐊᒻᒪᓗ ᓄᓇᕗᒻᒥ ᖃᐅᔨᓴᖅᑐᓕᕆᔨᒃᑯᓐᓂ

ᑎᑎᕋᖅᓯᒪᔪᓂᒃ ᕿᒥᕐᕈᔾᔪᑎ ᓄᓇᓐᖑᐊᖅ

ᓄᓇᓐᖑᐊᖅᑎᒍᑦ ᐋᖅᑭᓱᖅᓯᒪᔪᖅ ᒫᓐᓇ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦᑎ ᖃᐅᔨᓴᕐᓂᕐᒧᑦ ᐊᐅᓚᔾᔭᒋᐊᕈᑎᓄᑦ ᐱᔾᔪᑎᖃᖅᑐᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ.

ArcticNet ᑎᑎᕋᖅᑕᐅᓯᒪᔪᓂᒃ ᑲᑎᓱᐃᓂᖅ

Arcticnet ᑎᑎᕋᖅᑕᐅᓯᒪᔪᓂᒃ ᑲᑎᖅᓱᐃᕕᒃ ᓇᓗᓇᐃᔭᐃᔪᖅ 1600-ᓂᒃ ᑎᑎᕋᖅᑕᐅᓯᒪᔪᓂᒃ Arcticnet-ᑯᓐᓄᑦ, 322 ᑎᑎᕋᖅᑕᐅᓯᒪᔪᑦ ᑲᓇᑕᒥ ᐅᑭᐅᖅᑕᖅᑐᒥ ᖃᐅᔨᓴᖅᑎᓂ ᐊᒻᒪᓗ 207 ᑎᑎᕋᖅᑕᐅᓯᒪᔪᑦ ᓄᓇᕐᔪᐊᕐᒥ ᐃᒪᕐᒥᒃ ᖃᐅᔨᓴᖅᑎᓂᒃ ᓴᕐᕙᓂᒃ.

ᓄᓇᕗᒻᒥ ᖃᐅᔨᓴᖅᑐᓕᕆᔨᑦ ᓚᐃᓴᓐᓯᑖᖅᑎᑦᓯᓂᖓᑦ

ᐅᑯᐊ ᑲᑎᖅᓱᖅᓯᒪᔪᑦ ᖃᓄᐃᑦᑐᑐᐃᓐᓇᐃᑦ ᓱᓕ ᖃᕆᑕᐅᔭᕐᒦᓐᖏᑦᑐᑦ, ᑭᓯᐊᓂ ᐊᑐᐃᓐᓇᕈᖅᑎᑕᐅᓛᖅᑐᑦ ᐊᑐᐃᓐᓇᕈᕈᓐᓇᖅᓯᑦᑕᑐᐊᖅᐸᑕ.

ᓄᓇᓕᓐᓂ ᖃᐅᔨᕐᓴᕐᓂᕐᒧᑦ ᐊᐅᓚᓂᐅᔪᑦ

ᐊᐅᓚᓂᐅᑉ ᑕᐃᔭᐅᔾᔪᓯᖓ ᐊᐅᓚᓂᐅᔪᑦ ᐃᒻᒥᒃᑯᐊᖅᑎᖅᓯᒪᓂᖏᑦ ᐅᓪᓗᓕᐅᖅᑕᐅᑦᓴᐅᑎᒋᔪᖅ ᓇᐃᓪᓕᖅᓯᒪᔪᖅ
Cape Bounty ᐅᑭᐅᖅᑕᖅᑐᒥ ᐃᒪᕐᒥᒃ ᖃᐅᔨᓴᕐᕕᒃ (CBAWO), ᖃᐅᓱᐃᑦᑑᑉ ᕿᑭᖅᑕᖓᓂ ᐃᒪᖃᐅᑎ, ᐳᐃᔩᑦ ᐊᕙᑎᖓᑦ 04-04-2012

ᓇᓗᓇᐃᔭᐃᒍᑎᒋᓗᒍ ᐊᑦᑐᐃᓂᖏᓐᓂᒃ ᓯᓚᐅᑉ ᐊᓯᔾᔨᕐᓂᖓᑕ ᐱᓱᑦᑏᑦ ᐆᒪᔾᔪᑎᖏᓐᓂᒃ ᐊᒻᒪᓗ ᐃᒪᑦᓯᐊᑉ ᖃᓄᐃᑦᑑᓂᖓᓂᒃ ᐊᒻᒪᓗ ᐊᑐᐃᓐᓇᐅᓂᖓᓂᒃ ᖁᑦᓯᑦᑐᒥ, ᓴᖅᑮᓯᒪᔪᒍᑦ ᐃᒪᓕᕆᕕᒻᒥᒃ ᓄᓇᒥᓪᓗ ᐅᒪᔾᔪᑎᓂᒃ ᖃᐅᔨᓴᕈᑎᓂᒃ.
ᓯᓚᐅᑉ ᐊᓯᔾᔨᕐᓂᖓ ᐊᒻᒪᓗ ᑮᓇᐅᔭᓕᐅᕋᓱᐊᖅᑐᓄᑦ ᐅᒥᐊᖅᔪᐊᒃᑰᖃᑦᑕᕐᓂᕐᒧᑦ ᐱᕙᓪᓕᐊᓂᖅ ᐅᑭᐅᖅᑕᖅᑐᒥ ᐃᖏᕐᕋᔾᔪᑏᑦ, ᓄᓇᒥᐅᑕᕐᓄᑦ ᐱᕙᓪᓕᐊᓂᖅ 04-04-2012

ᖃᓄᑎᒋ ᐅᒥᐊᕐᔪᐊᑦ ᐱᕙᓪᓕᐊᓂᐊᖅᑲᑦ ᑕᓪᓗᕈᑎᒃᑯᑦ ᐊᖅᑯᑎᑎᒍᑦ ᐃᓗᐊᓄᖔᕐᓗ, ᖃᓄᐃᑦᑑᓗᑎᓪᓗ ᐅᒥᐊᕐᔪᐊᒃᑰᖅᑐᑦ: ᐅᓯᖃᑦᑕᖅᑐᑦ ᐅᒥᐊᕐᔪᐊᑦ, ᐃᖃᓗᓐᓂᐊᖅᑏᑦ, ᐳᓚᕋᑦᑐᓕᕆᔩᑦ, ᐃᖏᕐᕋᔾᔪᑏᑦ ᐊᐅᓚᔾᔭᑦᑕᐅᓯᒪᒧᑦ ᐅᔭᕋᓐᓂᐊᕐᓂᕐᒧᑦ?
ᓯᓚᐅᑉ ᐊᓯᔾᔨᕐᓂᖓ ᐊᒻᒪᓗ ᓂᕿᑦᓴᖃᑦᓯᐊᕐᓂᖅ ᐊᕕᑦᑐᖅᓯᒪᔪᓂ ᐃᓄᓐᓄᑦ ᑐᑦᑕᕐᕕᐅᔪᓂ ᓂᕿᑦᓴᖃᑦᓯᐊᕐᓂᖅ 04-04-2012

ᐊᑐᖅᓱᓗᑎᒃ ᐃᑎᔪᓂᒃ ᐊᑑᑎᓯᒪᔪᓂᒃ ᖃᐅᔨᓴᕐᓂᐅᔪᓂᒃ, ᑖᓐᓇ ᐊᐅᓚᓂᐅᔪᖅ ᓇᓗᓇᐃᖅᓯᓂᐅᓂᐊᖅᑐᖅ ᒪᓂᒪᓂᖏᓐᓂᒃ ᓂᕿᑦᓴᐃᑦ ᓯᑕᒪᓂᒃ ᐊᕕᑦᑐᖅᓯᒪᔪᓂ ᐃᓄᓐᓄᑦ ᑐᑦᑕᕐᕕᐅᔪᓂ ᐃᖃᓗᐃᑦ, ᐊᕐᕕᐊᑦ, ᐃᓅᕕᒃ, ᐊᒻᒪᓗ ᑰᔾᔪᐊᖅ) ᓯᓚᐅᑉ ᐊᓯᔾᔨᕐᓂᖓᓄᑦ ᑐᓐᖓᕕᐅᓗᓂ ᓇᓗᓇᐃᔭᐃᓂᖅ ᓱᖏᐅᑎᓂᕐᒧᑦ ᐃᑎᕐᓂᐅᔪᓂᒃ,
ᐃᖅᑲᓇᐃᔭᕐᕕᓐᓄᑦ ᐱᕙᓪᓕᐊᓂᖅ ᐊᒻᒪᓗ ᐅᑭᐅᖅᑕᖅᑐᒥ ᓄᓇᓖᑦ: ᐊᕙᑎᒧᑦ ᐃᓅᓯᕐᒧᓪᓗ ᐊᓯᔾᔨᕐᓂᖅ ᐱᓱᑦᑏᑦ ᐊᕙᑎᖓᑦ, ᐱᖅᑯᓯᖃᖅᑎᒍᑦ ᐊᐅᓚᓃᑦ, ᓄᓇᒥᐅᑕᕐᓄᑦ ᐱᕙᓪᓕᐊᓂᖅ 04-04-2012

ᐅᓇ ᐊᐅᓚᓂᐅᔪᖅ ᕿᒥᕐᖁᓂᐊᖅᑐᖅ ᐱᖅᑯᓯᒃᑯᑦ, ᖃᑭᒪᓇᓱᐊᕐᓂᒃᑯᑦ ᐊᕙᑎᒃᑯᓪᓗ ᐊᑦᑐᖅᑕᐅᓂᐅᔪᓂᒃ ᐅᔭᕋᓐᓂᐊᓂᕐᒧᑦ ᐱᕙᓪᓕᐊᓂᖏᓐᓄᓪᓗ ᓯᑕᒪᑦ ᐅᑭᐅᖅᑕᖅᑐᒥ ᓄᓇᓖᑦ.
ᐊᑦᑐᐃᓂᖏᑦ ᓯᓚᐅᑉ ᐊᓯᔾᔨᕐᓂᖓᑕ ᐳᓪᓚᐃᑦ ᐊᐅᓚᓂᖏᓐᓂ ᐅᑭᐅᖅᑕᖅᑐᒥ ᐱᓱᑦᑏᑦ ᐊᕙᑎᖓᑦ 04-04-2012

ᖃᐅᔨᓴᕐᓂᖅ ᒥᓪᓗᐊᕐᓂᖏᓐᓂᒃ ᓴᒃᑯᐃᕙᓐᓂᖏᓐᓂᓪᓗ ᐳᓪᓚᒥᒃ ᐅᑭᐅᖅᑕᖅᑐᒥ ᑕᕆᐅᒧᑦ.
ᐊᑦᑐᐃᓂᖓ ᓯᓚᐅᑉ ᐊᓯᔾᔨᕐᓂᖓᑕ ᐆᒪᔪᕐᓂᒃ ᐅᑭᐅᖅᑕᖅᑐᒥ ᑕᕆᐅᑉ ᐃᖅᑳᓂ ᐆᒪᔪᑦ, ᐱᖅᑯᓯᖃᖅᑎᒍᑦ ᐊᐅᓚᓃᑦ, ᐳᐃᔩᑦ ᐊᕙᑎᖓᑦ, ᓂᕿᑦᓴᖃᑦᓯᐊᕐᓂᖅ 04-04-2012

ᓯᓚᐅᑉ ᓂᕈᒥᑦᓯᕙᓪᓕᐊᓂᖓ ᐊᔭᐅᕐᒪᑦ ᓱᑲᑦᑐᐊᓗᒻᒥᒃ ᐊᓯᔾᔨᐸᓪᓕᐊᓂᔪᓂᒃ ᐅᑭᐅᖅᑕᖅᑐᒥ ᐆᒪᖃᑎᒌᑦᑐᓄᑦ, ᐊᒻᒪᓗ ᖃᐅᔨᓴᕐᓂᖃᓪᓚᕆᒋᐊᖃᕋᑦᑕ ᑐᐊᕕᕐᓇᖅᑐᒥᒃ ᒪᓐᓂᑦᓯᐅᑎᓯᒪᓂᖏᓐᓂᒃ ᑕᕆᐅᑉ ᐃᖅᑳᓃᑦᑐᑦ ᐆᒪᔪᐊᕐᔪᐊᐃᑦ ᐊᓯᔾᔨᕐᓂᐅᔪᓄᑦ ᐃᖏᕐᕋᓕᕇᖅᑐᓄᑦ.
ᐊᑦᑐᐃᓂᖏᑦ ᓯᓚᐅᑉ ᐊᓯᔾᔨᕐᓂᖓᑕ ᐃᒪᖓᓂ ᐅᑭᐅᖅᑕᖅᑑᑉ ᐆᒪᔪᑦ, ᐱᓱᑦᑏᑦ ᐊᕙᑎᖓᑦ, ᐳᐃᔩᑦ ᐊᕙᑎᖓᑦ, ᑕᕆᐅᑉ ᓯᑯᖓ ᐊᒻᒪᓗ ᓯᑯ 04-04-2012

ᐃᓚᖏᑦ ᐊᑲᐃᓪᓕᐅᕈᑕᐅᔪᑦ ᓯᓚᐅᑉ ᐊᓯᔾᔨᕐᓂᖓᓄᑦ ᑕᕆᐅᕐᒥ ᐅᑭᐅᖅᑕᖅᑐᒥ ᐆᒪᖃᑎᒌᑦᑐᓄᑦ ᑕᑯᑦᓴᐅᔪᑦ. ᓲᕐᓗ, ᓇᓄᐃᑦ ᐊᒻᒪᓗ ᓇᑦᓰᑦ ᓇᓗᓇᓐᖏᑦᑐᖅ ᐊᑦᑐᖅᑕᐅᓂᕐᓗᓐᓂᐊᖅᑐᑦ ᓯᑯᐃᕈᑦᑐᒧᑦ ᑐᓐᖓᕕᐅᕙᑦᑎᓪᓗᒋᑦ ᐊᖑᓇᓱᓐᓂᖏᓐᓄᑦ ᐊᒻᒪᓗ ᕿᑐᕐᖏᐅᕐᓂᖏᓐᓄᑦ. ᐊᓯᖏᑦ ᐊᑦᑐᖅᑕᐅᓂᐅᔪᑦ ᑕᑯᑦᓴᐅᓗᐊᓐᖏᑦᑐᑦ.
ᑐᓐᖓᕕᖃᓗᐊᓐᖏᓐᓂᖏᑦ ᓯᓈᓃᑦᑐᑦ ᓄᓇᐃᑦ ᐅᑭᐅᖅᑕᖅᑐᒥ ᓄᓇᓕᓐᓂ ᐊᕕᑦᑐᖅᓯᒪᔪᓂᓗ ᐊᑦᓱᖏᖅᓯᒪᓂᖅ ᐊᑦᑕᓇᑦᑕᐃᓕᒪᓂᕐᓗ, ᐱᓱᑦᑏᑦ ᐊᕙᑎᖓᑦ, ᓯᓚ ᖃᐅᓯᓇᕐᓗ` 04-04-2012

ᓯᓚᐅᑉ ᐊᓯᔾᔨᖅᑕᕐᓂᖓ ᐅᑭᐅᖅᑕᖅᑐᒥ ᓄᓇᓂ, ᐊᑕᐅᓯᒃᑯᑦ ᓯᓚ ᖃᓄᑐᐃᓐᓇᑦᓯᐊᖅ ᐱᕙᑦᑎᓪᓗᒍ, ᓴᖅᑮᒍᑕᐅᒍᓐᓇᖅᑐᖅ ᑐᓐᖓᕕᓗᐊᓐᖏᓂᕐᒥᒃ ᐅᓗᕆᐊᓇᖅᑐᓂᓪᓗ, ᐱᖃᓯᐅᑎᑦᓱᓂ ᐅᓕᕕᔾᔪᐊᕐᓂᖅ, ᓄᓇᐃᑦ ᓯᑑᕐᓂᖏᑦ, ᐊᐅᑉᐸᓪᓕᐊᔪᑦ, ᓯᓈᓂ ᓯᑯᒧᑦ ᐅᔭᐅᖅᑕᐅᔪᑦ, ᓯᓚᕐᓂᓪᓗᓯᑲᓪᓚᖃᑦᑕᕐᓃᑦ ᐊᒻᒪᓗ ᓯᓈᑉ ᓄᖑᑎᖅᐸᓪᓕᐊᓂᖓ. ᐱᓕᕆᖃᑎᒌᕗᑦ ᐊᐅᓚᓂᕐᒧᑦ ᖃᐅᔨᓴᖅᑐᑦ ᑕᒪᒃᑮᓐᓂᒃ ᐱᔾᔪᑕᐅᔪᓂᒃ ᐊᓯᔾᔨᕐᓂᕐᒧᑦ ᐊᒻᒪᓗ ᐊᑦᑐᐃᓂᖏᑦ ᑐᓐᖓᕕᖃᑦᓯᐊᖏᑦᑐᑦ ᓄᓇᓕᓐᓂ ᓄᓇᐃᑦ ᓂᕈᐊᖅᑕᐅᓯᒪᔪᑦ ᐅᑭᐅᖅᑕᖅᑐᒥ.
Community adaptation in a changing Arctic IQ, Landscape, Permafrost, Sea Ice & Ice 04-09-2013

Communities across the Canadian Arctic are exposed and sensitive to changes in social, political, cultural environmental and economic

Effects of climate change on the Arctic wildlife Animals 04-09-2013

Many northern ecosystems are undergoing major shifts related to climate change.