2006-ᒥᒃ 2010-ᒧᑦ, ᓄᓇᓕᓐᓂᒃ ᑐᓐᖓᕕᖃᖅᑐᑦ ᑕᕆᐅᑉ ᓯᑯᖓᓂᒃ ᖃᐅᔨᕐᓴᓂᕐᒧᑦ ᑲᓲᒪᖃᑎᒌᑦ ᓴᖅᑭᑦᑕᐅᔪᒧᑦ ᓯᑯ-ᐃᓄᐃᑦ-ᕿᓚ ᐊᐅᓚᓂᕐᒧᑦ, ᓄᓇᕐᔪᐊᕐᒥ, ᐊᐅᓚᓂᐅᔪᖅ ᖃᐅᔨᕐᓴᓂᖃᖅᓯᒪᔪᖅ ᑲᓲᒪᓂᖏᓐᓂᒃ ᐃᓄᐃᑦ ᐊᒻᒪᓗ ᑕᕆᐅᑉ ᓯᑯᖓᑕ ᐅᑭᐅᖅᑕᖅᑐᒥ ᓄᓇᓕᖏᓐᓂᕐ ᕐᑳᓈᖅ, ᑲᓛᖡᑦ, ᕕᐅᕈ ᐊᓛᔅᑲ, ᐊᒻᒪᓗ ᑲᖏᖅᑐᒑᐱᒃ, ᓄᓇᕗᑦ.
ᐊᐅᓚᓂᐅᔪᖅ ᐱᔭᕇᖅᑐᖅ, ᑭᓯᐊᓂ ᐊᐅᓚᔾᔭᒋᐊᕈᑕᐅᓪᓗᓂ ᐱᔪᒪᔭᕆᔭᐅᔪᓄᑦ ᐊᓯᖏᓐᓂᒃ ᓄᓇᓕᓐᓂᒃ ᐊᒻᒪᓗ ᖃᐅᔨᓴᖅᑎᓂᒃ ᑲᓇᑕᒥ ᐊᐳᑎᒧᑦ ᓯᑯᐊᕐᒧᓪᓗ ᖃᐅᔨᓴᕈᑎᓂᒃ ᑲᑎᖅᓱᐃᕕᒃ ᐊᑐᐃᓐᓇᕈᖅᑎᑦᓯᓯᒪᔪᑦ ᐅᖃᓕᒫᒐᑦᓴᓂᒃ ᑕᕆᐅᑉ ᓯᑯᖓᓂᒃ ᖃᐅᔨᓴᕐᓂᕐᒨᖓᔪᓂᒃ ᑭᓇᑐᐃᓐᓇᑦᓯᐊᒧᑦ ᐊᑐᐃᓐᓇᐅᔪᑦ ᐱᒋᐊᖅᑎᑦᓯᒍᒪᔪᒧᑦ ᓄᓇᓕᓐᓂ ᑕᕆᐅᑉ ᓯᑯᖓᓂᒃ ᖃᐅᔨᕐᓴᕐᓂᒥᒃ. ᐅᖃᓕᒫᕋᑦᒪᓴᐃᑦ ᐱᔭᑦᓴᐅᔪᑦ ᐅᕙᓐᖓᑦ (NSIDC ᐊᑑᑎᒐᔪᐃᑦᑐᓄᑦ ᐅᓂᒃᑳᖏᑦ 14. ᐃᓄᒃᑎᑑᖅᑐᑦ ᐅᓕᒫᒐᑦᓴᐃᑦ ᐊᑐᐃᓐᓇᐅᒻᒥᔪᑦ ᑐᑭᓯᒋᐊᕐᕕᒋᓗᒋᑦ NSIDC-ᑯᑦ ᑐᕋᐃᓐᓇᕐᒥᕕᒋᓗᒋᑦ ᐅᕙᓂ nsidc@nsidc.org.)
ᐊᓯᖃᓐᖏᒃᓗᑲᐊᖅᓪᓗᒋᑦ ᐆᑦᑐᕋᐅᑎᑦᓴᓂᒃ ᐃᓕᓐᓂᐊᕐᓂᕐᒧᓪᓗ, ᐅᑯᐊ ᐅᖃᓕᒫᒐᑦᓴᐃᑦ ᐃᓗᓕᖃᖅᑐᑦ ᐊᑕᖏᖅᑐᓂᒃ ᐃᒫᖓᐃᕈᑎᓂᒃ ᐋᖅᑭᑦᓱᐃᓂᕐᒧᑦ ᐊᑐᕆᐊᓕᓐᓂᒃ ᓱᓇᒃᑯᑎᓂᒃ ᖃᐅᔨᓴᕈᑎᒋᓗᒋᑦ ᑕᕆᐅᑉ ᓯᑯᖓᓂᒃ ᐊᐳᑎᒥᓪᓗ.
ᐃᓕᓐᓂᐊᕈᓐᓇᖅᑐᑎᑦ ᖃᓄᖅ ᓴᓇᔭᑦᓴᐅᒻᒪᖔᖅ, ᐋᖅᑭᑦᓱᕆᐊᖃᕐᒪᖔᖅ ᐊᒻᒪᓗ ᐊᐅᓚᑦᓯᓂᕐᒥᒃ ᐆᑦᑐᕋᕐᕕᐅᔪᓂᒃ ᖃᐅᔨᓴᕐᓗᒍ ᑕᕆᐅᑉ ᓯᑯᖓᑕ ᐃᔾᔪᓂᖓ ᐊᒻᒪᓗ ᐊᐳᑎᐅᑉ ᐃᑎᓂᖓ ᐅᑭᐅᒃᑯᑦ ᐅᐱᕐᖔᑯᓪᓗ. ᓵᑉᑕ 1 ᓇᓗᓇᐃᔭᐃᔪᖅ ᖃᓄᖅ ᑲᐃᕗᖅᑕᐅᒋᐊᖃᕐᒪᖔᑕ ᑕᕆᐅᑉ ᓯᑯᖏᑦ ᐆᑦᑐᕋᕐᓗᒍ ᐃᔾᔪᓂᖓ, ᐊᐳᑎᐅᑉ ᐃᑎᓂᖓ, ᐃᖏᕐᕋᕕᑦᓴᐅᓂᖓ, ᐊᒻᒪᓗ ᐃᒪᐅᑉ ᐃᑎᓂᖓ. ᐊᑐᐃᓐᓇᐅᑎᑦᓯᒻᒥᔪᑦ ᑎᑎᕋᕐᕕᑦᓴᒥᒃ ᐆᑦᑐᕋᖅᑕᓕᒫᓐᓄᑦ ᑎᑎᕋᖃᓯᐅᑎᓗᒍ ᐅᓪᓗᖓ ᓇᒦᓐᓂᖓᓗ. ᐊᒥᓱᑦ ᑭᓪᓚᐃᑦ ᑲᐃᕗᖅᑕᐅᒍᓐᓇᖅᑐᑦ ᓯᑯᒥ ᖃᐅᔨᒐᓱᐊᕐᓗᑎᑦ ᖃᓄᑎᒋ ᑕᕆᐅᑉ ᓯᑯᖓ ᐊᔾᔨᒌᓐᖏᓐᓂᖃᕐᒪᖔᖅ ᓇᒥᑐᐃᓐᓇᖅ. ᑭᓯᐊᓂᓕ, ᑲᐃᕗᕐᓂᑕᒫᑦ ᐅᓚᕕᑦᑐᖅ ᓯᑯᒥᒃ, ᓯᕗᓂᕐᒥ ᐆᑦᑐᕋᕐᓂᐅᔪᑦ ᐊᑦᑐᖅᑕᐅᓯᒪᑐᐃᓐᓇᕆᐊᓖᑦ.
ᓵᑉᑕ 2 ᐊᒻᒪᓗ 3 ᓇᓗᓇᐃᔭᐃᔪᑦ ᖃᓄᖅ ᐋᖅᑮᒋᐊᖃᕐᒪᖔᖅ ᓯᑯᓕᕆᕕᒻᒥᒃ ᐆᑦᑐᕋᖅᑐᐃᓐᓇᕐᓂᐊᖅᑎᓪᓗᒍ ᐅᓚᕕᑦᓴᐃᓐᓇᖏᓪᓗ ᓯᑯ ᑕᐃᒪᓐᖓᑕᒫᑦ. ᑕᒪᓐᓇ ᐊᑑᑎᖃᓪᓚᕆᑦᑐᖅ ᓱᖏᖅᑑᑎᖃᕐᓂᕐᒧᑦ ᐊᑯᓃᖅᑐᒧᑦ ᐊᐅᓚᓂᕐᒥᒃ ᐆᑦᑐᕋᐅᑕᐅᓗᑎᒃ ᐱᕈᖅᐸᓪᓕᐊᔪᓂᒃ ᐊᐅᑉᐸᓪᓕᐊᔪᓂᓪᓗ. ᓵᑉᑕ 4, ᐆᑦᑐᕋᕐᓂᖅ ᕐᑳᖓᓂ ᓂᕈᒥᓐᓂᖓᓂᒃ ᓯᑰᑉ ᐊᒻᒪᓗ ᓂᕈᒥᓐᓂᖓᓂᒃ ᐊᐳᑎᐅᑉ ᐊᔾᔨᒌᓐᖏᑦᑐᓂᒃ ᐃᑎᓂᐅᔪᓂ ᑕᐃᒫᒃ ᐅᖃᐅᓯᐅᒻᒪᑕ. ᓵᑉᑕ 5 ᓇᓗᓇᐃᔭᐃᔪᖅ ᖃᓄᖅ ᐅᑎᖅᑎᒐᑦᓴᐅᒻᒪᖔᑕ ᓱᓇᒃᑯᑏᑦ ᑕᕆᐅᑉ ᓯᑯᖓᓂᒃ ᑐᖅᑯᕐᓗᒋᑦ ᐊᐅᔭᒃᑯᑦ.
ᑐᑭᓯᒋᐊᒃᑲᓐᓂᕕᑦᓴᖅ, ᐅᕝᕙᓗ ᓇᒻᒥᓂᖅ ᐱᒋᐊᖅᑎᑦᓯᒍᒪᒍᕕᑦ ᑕᕆᐅᑉ ᓯᑯᖓᓂᒃ ᖃᐅᔨᕐᓴᓂᕐᒥᒃ, ᑐᑭᓯᒋᐊᕆᑦ ᐅᕙᑦᑎᓐᓄᑦ ᐅᕗᖓ climatechange@gov.nu.ca.