ᑐᕌᒐᐅᔪᖅ ᐆᒧᖓ ᐊᐅᓚᓂᕐᒧᑦ ᓄᐊᑦᓯᓂᖅ ᓇᓗᓇᐃᔭᖅᓯᒪᔪᓂᒃ ᑐᓴᕋᖅᓴᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐳᐃᔩᑦ ᐆᒪᖃᑎᒌᖏᓐᓂᒃ, ᐊᑐᖅᑐᓂᒃ ᐊᔾᔨᒌᓐᖏᑦᑐᓂᒃ ᐊᐅᓚᓂᐅᔪᓂᒃ ᑕᒪᒃᑮᓐᓂᒃ ᖃᐅᔨᒪᔪᒻᒪᕆᓐᓂᒃ ᐊᒻᒪᓗ ᓄᓇᓕᓐᓂ ᖃᐅᔨᒪᓂᐅᔪᓂᒃ. ᖃᐅᔨᓴᕐᓂᖅ ᐃᓚᒍᑦᓯᐅᔾᔨᓂᐊᖅᑐᖅ ᓄᓇᓕᓐᓂᒃ ᑐᓐᖓᕕᖃᖅᑐᓂᒃ ᖃᐅᔨᕐᓴᓂᐅᔪᓂᒃ ᓄᐊᑦᓯᓗᑎᒃ ᐆᑦᑐᕋᐅᑎᑦᓴᓂᒃ ᐃᓚᐅᑎᑦᓯᓗᑎᓪᓗ ᐅᑭᐅᖅᑕᖅᑐᒥᐅᓂᒃ ᐱᕙᓪᓕᐊᑎᑦᓯᑎᓪᓗᒋᑦ ᑐᑭᓯᓂᐊᕈᓐᓇᕐᓂᕐᒥᓂᒃ.
ᑐᕌᒐᓪᓗᐊᑕᐅᔪᖅ ᖃᐅᔨᓴᕐᓂᖅ ᓂᕈᐊᖅᑕᐅᓯᒪᔪᓂᒃ ᐳᐃᔨᓂᒃ, ᐱᖃᓯᐅᑎᑦᓱᑎᒃ ᓇᓄᐃᑦ, ᓂᕿᑦᓴᖅᓯᐅᖅᑎᓪᓗᐊᑕᐅᔪᑦ ᐅᑭᐅᖅᑕᑐᒥ ᐳᐃᔨᓂ ᐆᒪᔪᓪᓗᐊᑕᐅᓪᓗᑎᓪᓗ ᐃᓄᐃᑦ ᐊᖑᓇᓱᓐᓂᒃᑯᑦ ᐱᖅᑯᓯᖓᓐᓄᑦ. ᖃᑦᓯᒐᓛᑦ ᐳᐃᔩᑦ ᖃᓄᐃᓐᓂᕆᔭᖏᑦ ᖃᐅᔨᓴᖅᑕᐅᓯᒪᔪᑦ, ᐱᖃᓯᐅᑎᑦᓱᑎᒃ ᓂᕿᖏᑦ, ᐋᓐᓂᐊᖏᑦ, ᓱᕈᓐᓇᖅᑐᖃᕐᓂᖏᑦ, ᐅᖁᒪᐃᓪᓕᐅᕐᓂᖏᓪᓗ. ᖃᖓᑦᑕᖅᑎᑕᐅᓯᒪᔪᒃᑯᑦ ᖃᐅᔨᓴᕈᑏᑦ, ᓂᕿᖏᓐᓂᒃ ᐃᓚᓐᖓᐃᒍᑕᐅᓯᒪᔪᑦ ᓄᓇᓕᓐᓂ ᐊᖑᓇᓱᑦᑎᓄᑦ, ᐊᐅᖏᑦ ᐊᒻᒪᓗ ᓇᑭᓐᖔᕐᓂᖏᑦ ᐊᑐᖅᑕᐅᓂᐊᖅᑐᑦ ᑐᑭᓯᒍᑕᐅᓗᑎᒃ ᐊᓯᔾᔨᕐᓂᕐᒥᒃ.
ᑖᓐᓇ ᐊᐅᓚᓂᐅᔪᖅ ᕿᒥᕐᕈᓂᐅᓂᐊᖅᑐᖅ ᖃᓄᖅ ᓄᓇᕐᔪᐊᕐᒥ ᓂᕈᒥᑦᓯᓂᖅ ᐊᑦᑐᐃᓂᖃᕐᒪᖔᖅ ᐳᐃᔨᓂᒃ ᐅᑭᐅᖅᑕᖅᑐᒥ ᑭᐅᔭᓗᑎᓪᓗ: ᐳᐃᔩᑦ ᓱᖏᐅᑎᒍᓐᓇᖅᑲᑦ ᓄᓇᕐᔪᐊᕐᒥ ᓂᕈᒥᑦᓯᓂᕐᒧᑦ - ᖃᓄᐃᑦᑑᕙᓪᓗ ᐊᓐᓇᒍᓐᓇᕐᓂᖏᑦ ᓯᕗᓂᑦᑎᓐᓂ? ᖃᓄᖅ ᑲᓲᒪᓂᖃᖅᑲᑦ ᓂᕈᒥᑦᓯᕙᓪᓕᐊᔪᑦ ᐊᒻᒪᓗ ᐃᓂᖏᑦ ᓇᓄᐃᑦ, ᓇᑦᓰᑦ, ᕿᓚᓗᒐᐃᓪᓗ? ᖃᓄᖅ ᐊᑦᑐᐃᓂᖃᑐᐃᓐᓇᕆᐊᖃᖅᑲᑦ ᓄᓇᕐᔪᐊᕐᒥ ᓂᕈᒥᑦᓯᕙᓪᓕᐊᓂᖅ ᕿᑐᕐᖏᐅᕐᓂᕐᒥᒃ, ᐊᒻᒪᓗ ᖃᑦᓯ ᐳᐃᔩᑦ ᐊᓐᓇᓐᓂᐊᖅᑲᑦ? ᖃᓄᐃᑦᑐᓂᐊᖅᑲᑦ ᐊᑦᑐᐃᓂᖏᑦ ᐊᓯᔾᔨᕐᓂᐅᑉ ᐅᑭᐅᖅᑕᖅᑐᒥ ᓄᓇᓕᓐᓂᒃ ᐃᓄᐃᓪᓗ ᐃᓅᓯᖏᓐᓂᒃ? ᖃᓄᖅ ᒥᑭᓪᓕᑎᕈᓐᓇᖅᑲᕗᑦ ᐊᑦᑐᐃᓂᖏᑦ ᑖᒃᑯᐊ ᐊᓯᔾᔨᕐᓂᐅᔪᑦ ᐃᑲᔪᕐᓗᑕᓗ ᐅᑭᐅᖅᑕᖅᑐᒥ ᓄᓇᓕᓐᓂᒃ ᐆᒪᔪᕐᓂᓪᓗ ᓇᓗᓇᖅᑎᓪᓗᒍ ᓯᕗᓂᑦᓴᖅ?
ᖃᐅᔨᓴᕐᕕᐅᔪᑦ
ᐃᒃᐱᐊᕐᔪᒃ, ᐊᕐᕕᐊᑦ, ᑰᔾᔪᐊᕌᓗᒃ, ᓇᐅᔮᑦ, ᐃᒡᓗᓕᒑᕐᔪᒃ, ᓴᓪᓕᖅ, ᐃᒡᓗᓕᒃ, ᑰᒑᕐᔪᒃ, ᐸᓐᓂᖅᑑᖅ, ᒥᑦᑎᒪᑕᓕᒃ, ᓴᓂᑭᓗᐊᖅ, ᑎᑭᕋᕐᔪᐊᖅ.
ᓄᓇᓕᓐᓂ ᑲᑐᔾᔨᖃᑎᒌᓐᓂᐅᔪᑦ
ᑲᑐᔾᔨᖃᑎᒌᓐᓂᐅᔪᑦ ᐱᖃᓯᐅᔾᔨᔪᑦ ᓄᓇᓕᓐᓂ ᐊᖑᓇᓱᑦᑏᑦ ᑲᑎᒪᔨᖏᓐᓂᒃ, ᓄᓇᓕᓐᓂ ᐊᖑᓇᓱᑦᑎᓂᒃ ᖃᐅᔨᒪᓕᑕᕐᓂᓪᓗ, ᐊᒻᒪᓗ ᐊᓯᖏᑦ ᓄᓇᓕᓖᑦ ᐃᑉᐱᐊᕐᔪᒻᒥ, ᐊᕐᕕᐊᓂ, ᓇᐅᔮᓂ, ᐃᒡᓗᓕᒑᕐᔪᒻᒥ, ᐃᒡᓗᓕᒻᒥ, ᑰᒑᕐᔪᒻᒥ, ᐸᓐᓂᖅᑑᒥ, ᒥᑦᑎᒪᑕᓕᒻᒥ, ᓴᓂᑭᓗᐊᕐᒥ, ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ, ᐃᒡᓗᓕᒻᒥ ᖃᐅᔨᓴᖅᑐᓕᕆᕕᒃ, ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ, ᐳᓚᕋᑦᑐᓕᕆᔩᑦ, ᒥᓐᖑᐃᕐᓯᕐᕕᓕᕆᔨᒃᑯᑦ ᑲᓇᑕᒥ, ᐊᒻᒪᓗ ᒐᕙᒪᒃᑯᖏᓐᓂ ᓄᓇᕗᑦ ᓄᓇᒥᐅᑕᓕᕆᔩᑦ.
ᐊᐅᓚᓂᕐᒧᑦ ᑐᑭᓯᒋᐊᕐᕕᑦᓴᖅ:
ᓯᑏᕙᓐ ᕘᒍᓴᓐ
ᖃᐅᔨᓴᖅᑎ ᖃᐅᔨᒪᔪᒻᒪᕆᒃ, ᒥᓂᔅᑕᐅᕕᖓᓐᓂᒃ ᐃᖃᓗᓕᕆᔨᒃᑯᑦ ᐃᒪᓕᕆᔨᒃᑯᓪᓗ ᑲᓇᑕᒥ, ᐃᒪᑦᓯᐊᓕᕆᕕᒃ, ᐅᐃᓂᐲᒡ, ᒫᓂᑑᕙ; ᐃᓕᓴᐃᔨᕐᔪᐊᖅ ᒥᓂᔅᑕᐅᕕᖓᓐᓂᒃ ᐆᒪᔪᓕᕆᔩᑦ ᐊᒻᒪᓗ ᒥᓂᔅᑕᐅᕕᖓᓐᓂ ᐊᕙᑎᓕᕆᔩᑦ ᓄᓇᓐᖑᐊᓕᕆᔩᓪᓗ, ᓯᓚᑦᑐᓴᕐᕕᔾᔪᐊᖓᓂ ᒫᓂᑑᕙ, ᐅᐃᓂᐲᒡ, ᒫᓂᑑᕙ
ᐋᓄᓘ ᑎᕌᓱ
ᐃᓕᓴᐃᔨᕐᔪᐊᖅ, ᒥᓂᔅᑕᐅᕕᖓᓐᓂ ᐆᒪᔪᓕᕆᓂᕐᒧᑦ, ᓯᓚᑦᑐᓴᕐᕕᔾᔪᐊᖓᓂ ᐃᐅᓪᕘᑕ, ᐃᐊᑦᒪᓐᑕ, ᐃᐅᓪᕘᑕ
ᒪᐃᒃ ᕼᐊᒧᓪ
ᖃᐅᔨᓴᖅᑎ ᖃᐅᔨᒪᔪᕐᔪᐊᖅ, ᒥᓂᔅᑕᐅᕕᖓᓐᓂᒃ ᐃᖃᓗᓕᕆᔨᒃᑯᑦ ᐃᒪᓕᕆᔨᒃᑯᓪᓗ ᑲᓇᑕᒥ, Institut Maurice-Lamontagne, Mont-Joli QC; ᐃᓕᓴᐃᔨᕐᔪᐊᖅ ᓯᓚᑦᑐᓴᕐᕕᖓᓂ ᑯᐸᐃ Rimouski, Rimouski QC
ᑯᐊᕆ ᒫᑎᐅᔅ
ᐃᓕᓐᓂᐊᖅᑎ ᒥᓂᔅᑕᐅᕕᖓᓐᓂ ᐆᒪᔪᓕᕆᔩᑦ ᓯᓚᑦᑐᓴᕐᕕᔾᔪᐊᖓᓂ ᒫᓂᑑᕙ, ᐅᐃᓂᐲᒡ, ᒫᓂᑑᕙ