ᔨᐊᓐᓇᐳᕐ ᕿᓚᕙᖅ
ᐃᓚᓕᐅᑎᓚᐅᕋᒪ ᑖᒃᑯᓄᖓ ᑲᑎᒪᔨᕋᓛᓄᑦ ᐱᔾᔪᑎᒋᓪᓗᒍ ᐃᑲᔪᕈᒪᓂᕋ ᖃᐅᔨᒪᓂᓴᐅᓕᑦᑎᑦᑎᒍᒪᓪᓗᖓ ᓯᓚᐅᑉ ᐊᓯᔾᔨᐸᓪᓕᐋᓂᖓᑕ ᐊᑦᑐᐃᓂᖏᓐᓂᒃ ᐊᑐᓕᑦᑕᑦᑎᓐᓂᒃ ᑕᒫᓂ ᓄᓇᕗᒻᒥ ᐊᒻᒪᓗ ᓄᓇᕐᔪᐋᓕᒫᒥ. ᐃᑲᔪᕈᒪᒐᒪ ᓄᓇᕗᒻᒥᐅᓂᒃ ᐃᖃᓇᐃᔭᖃᑎᒌᒍᓐᓇᓂᐋᓪᓗᑕ ᑲᑐᔾᔨᓗᑕ ᐅᓇᑕᓪᓗᒍ ᐊᒻᒪᓗ ᐊᑐᓕᕈᓐᓇᔅᓯᓗᒋᑦ ᓯᓚᐅᑉ ᐊᓯᔾᔨᐸᓪᓕᐋᓂᖏᓐᓄᑦ ᐊᑦᑐᑦᑕᐅᔪᑦ ᒫᓐᓇᐅᔪᖅ ᐊᑐᓕᑦᑕᑦᑎᓐᓂ ᐊᒻᒪᓗ ᐱᕙᒌᔭᓪᓗᒋᑦ ᐃᓅᓱᑦᑐᒋᔭᕗᑦ ᓯᕗᓂᓴᒥ ᓯᓚᐅᑉ ᐊᓯᔾᔨᐸᓪᓕᐋᓂᖓᑕ ᐊᑦᑐᐃᓂᖏᓐᓂᒃ ᐊᑐᕆᐋᖃᓐᓂᐋᑦᑕᖏᓐᓂᒃ.
ᐅᐱᕈᓱᒃᑲᒪ ᑕᒪᓐᓇ ᐃᖃᓇᐃᔮᖃᓐᓂᖅ ᐱᒻᒪᕆᐋᓗᓂᖓᓂᒃ ᐱᔾᔪᑎᒋᓪᓗᒍ ᓯᓚᐅᑉ ᐊᓯᔾᔨᐊᓪᓕᐋᓂᖓ ᐊᑐᓕᒻᒪᑦ ᒫᓐᓇ ᐊᒻᒪᓗ ᐊᑐᑕᐅᑎᑦᑎᓕᑦᑐᓂ ᐊᓯᕈᓐᓂᖏᑦ ᓯᓚᒋᔭᐅᔪᑦ ᖃᓄᐃᓕᖃᑦᑕᓕᓐᓂᖓᓄᑦ, ᐊᔅᓲᓂᓴᐅᓕᑦᑐᑎᒃ ᐅᖅᑰᓂᓯᐅᕆᒍᑏᑦ, ᐊᖃᑦᑕᓕᑦᑐᑎᒃ, ᖄᒥᖃᑦᑕᓕᑦᑐᑎᒃ, ᐸᓂᑦᑐᐋᓗᓕᑉᐸᑦᑐᑎᒃ, ᐊᓄᕆᔾᔪᐋᖃᑦᑕᓕᑦᑐᑎᒃ ᐊᒻᒪᓗ ᓄᓇᐃᓕᐋᖃᑦᑕᓕᑦᑐᑎᒃ. ᑕᒪᓐᓇᓗ ᐊᒃᑐᐄᒻᒪᑦ ᐃᓕᖅᑯᓯᕆᔭᑦᑎᓐᓂᒃ ᐊᑐᖃᑦᑕᑦᑕᑦᑎᓐᓂᒃ, ᓂᕿᓴᖃᑦᑎᐋᖃᑦᑕᓐᓂᑦᑎᓐᓂᒃ, ᐃᒪᕆᔭᑦᑕ ᖃᓄᐃᓐᓇᖏᑑᒋᐋᖃᓐᓂᖓᓂᒃ, ᐃᓅᓯᖃᕈᑎᒋᔭᑦᑎᓐᓂᒃ ᐊᒻᒪᓗ ᓯᕗᓂᓴᑦᑎᓂᒃ ᑭᖑᕚᕆᓂᐋᑦᑕᑦᑎᓐᓂᒃ ᑎᑭᐅᑎᓂᐋᑐᐃᓐᓇᑦᑐᓂ. ᐃᓅᓂᕆᔭᑦᑎᓐᓄᑦ, ᐃᓕᖅᑯᓯᕆᒐᑦᑎᒍ ᐊᒻᒪᓗ ᐱᖅᑯᓯᑦᑎᒍ ᐱᕕᐋᓇᑦᑐᖁᑎᕗᑦ ᐃᑉᐱᒋᑦᑎᐋᕆᐊᖃᕋᑦᑎᒍ ᐊᒻᒪᓗ ᐸᖅᑭᑦᑎᐋᓪᓗᑎᒍ ᓄᓇᒋᔭᕗᑦ, ᐃᒪᕆᔭᕗᑦ, ᐊᕙᑎᕗᑦ, ᐆᒪᔪᕗᑦ ᐊᒻᒪᓗ ᐃᓄᖏᑦ ᑕᐃᒪᐃᒻᒪᑦ ᐱᒻᒪᕆᐋᓗᕗᖅ ᐅᕙᓐᓄᑦ ᐃᓄᐃᑦ ᓂᐱᖏᑦ, ᐃᓱᒪᒋᔭᖏᑦ ᐊᒻᒪᓗ ᐱᖅᑯᓯᒻᒥᒍᑦ ᖃᐅᔨᒪᓂᕆᔭᖏᑦ ᑐᓴᖅᑕᐅᖁᓪᓗᒋᑦ ᐅᖃᐅᓯᖃᑦᑎᓪᓗᒋᑦ ᓯᓚᐅᑉ ᐊᓯᔾᔨᐸᓪᓕᐋᓂᖓᓂᒃ ᓄᓇᕗᒻᒥ.
ᓴᕆᐅᑦᑎ ᓚᐳᑎᕆ
ᐃᓅᓱᑦᑑᓂᑉᐹᕆᔭᓐᓂ ᐅᑭᐅᖃᓪᓗᖓ, ᑭᐱᖑᐃᔭᖃᑦᑕᓚᐅᕋᒪ ᖃᐅᔨᒋᐅᕋᓱᐋᓪᓗᒍ ᓄᓇᕐᔪᐊᖅ ᐅᕙᖓᑑᓗᖓ. ᑕᒪᓐᓇ ᓇᔪᓪᓗᒍ ᐃᐱᒋᒐᒃᑯ ᐃᓚᒋᓕᐅᑎᓯᒪᑦᑎᐋᓐᓂᕋ, ᑕᒫᓂᓗ ᐃᓱᒪᔅᓱᕈᓐᓇᖅᓱᖓ ᐅᕙᖓᐅᓗᖓ. ᑕᒫᓂᓗ ᓇᔪᒐᓴᐅᓂᖓᓂ ᐱᓕᕆᒍᒪᑦᑎᐊᕈᑎᒋᓕᓲᕆᓪᓗᒍ, ᐊᒻᒪᓗ ᑕᒫᓂ ᖃᓄᐃᓘᕈᓐᓇᓐᓂᖅ ᐃᓂᖃᑦᑎᐋᖅᓱᓂ. ᐊᑐᖃᑎᒋᒐᒃᑯ ᑕᒪᔅᓱᒥᖓ ᐱᓕᕆᒍᒪᓂᒻᒥᒃ ᐊᑖᑕᓯᐋᕋᓗ, ᑲᔪᖏᓴᓚᐅᒻᒪᖓ ᐃᓚᒋᓕᐅᑎᖁᓪᓗᓂᖓ ᓄᓇᔾᔪᐋᒻᒧᑦ. ᐱᕕᖃᓕᑐᐋᕋᖓᒪ ᓂᕈᐋᕆᐋᖃᓕᓪᓗᖓ ᐃᓪᓕᓴᔾᔪᑎᒥᒃ, ᓂᕈᐋᓱᖑᔪᖓ ᐊᕙᑎᓕᕆᓂᒻᒥᒃ, ᐃᓕᒍᒪᓪᓗᖓ ᖃᓄᖅ ᐃᑲᔪᑉᐹᓪᓕᕈᓐᓇᒪᖔᒻᒪ ᐊᒻᒪᓗ ᐃᓚᒋᔭᐅᓕᓪᓗᖓ ᐊᑲᐅᙱᓕᐅᕈᑎᖃᕈᓐᓃᑦᑎᑦᑎᓂᒻᒧᑦ. ᐊᒥᓱᐄᔅᓱᓪᓗᖓ ᓈᒻᒪᓴᕈᓃᖃᑦᑕᓚᐅᕋᒪ ᐃᓅᖃᑎᒋᑦᑐᓂᒃ ᐊᒻᒪᓗ ᐱᓕᕆᒋᐊᑐᖃᖏᓗᐋᖃᑦᑕᓂᖓᓂᑦ, ᑭᓯᐊᓂ ᐃᓗᓐᓂᑦ, ᐱᐅᔅᓴᓂᕋ ᐃᓕᖅᑯᓯᖓᓂᒃ ᓄᓇᔾᔪᐋᑉ ᐃᓗᓐᓃᖏᓐᓇᒻᒪᑦ.
ᑕᒪᓐᓇᐅᑎᓪᓗᒍ, ᐃᓱᒪᓕᐅᕈᑎᖃᓕᓚᐅᕋᒪ ᐃᓚᓕᐅᑎᒍᒪᓪᓗᖓ ᐊᔾᔨᒌᖏᑦᑑᑎᓄᑦ ᑲᑎᑕᐅᓯᒪᔪᓄᑦ ᑕᐃᒃᑯᓄᖓ ᐅᕙᖓᑎᑦᑐᑦ ᐃᓱᒫᓗᑎᖃᒃᑐᓄᑦ, ᐊᔾᔨᖓᓂᒃ ᐱᓕᕆᒍᒪᓂᖃᑦᑐᓄᑦ. ᐊᓪᓛᓪᓗᓂᒃ ᐊᐅᓚᖃᑦᑕᕈᒪᓕᓚᐅᑦᑐᖓ ᐃᓄᑑᓗᖓ ᐊᑐᕈᒪᓪᓗᖓ ᖃᐅᔨᒪᓂᓴᐅᓕᕈᓱᐋᕈᒪᓪᓗᖓ ᐅᕙᖓᐅᓂᓐᓂᒃ. ᐃᑉᐱᒍᓱᒃᑲᒪ ᐊᑲᐅᔪᐋᓗᒻᒥᒃ ᐃᓚᓕᐅᑎᓯᒪᓂᕆᔭᓐᓂᒃ ᑖᒃᑯᓄᖓ ᖃᑎᒪᔨᕋᓛᓄᑦ ᐊᒻᒪᓗ ᐱᕕᖃᓕᕈᑎᒋᒐᒃᑯ ᑕᐅᖅᓯᖃᑎᖃᕈᓐᓇᖅᓯᓪᓗᖓ ᐊᔾᔨᒌᖏᑦᑑᑎᓂᒃ ᐃᓱᒪᒋᔭᖃᓐᓂᒻᒥᒃ ᐊᒻᒪᓗ ᐊᑐᓚᐅᖅᓯᒪᔭᕋᓂᒃ ᑭᓇᑐᐃᓐᓇᒻᒧᑦ. ᐅᑉᐱᓐᓇᑦᑎᐋᖏᒻᒪᕆᑦᑐᖅ ᖃᓄᑎᒋ ᐃᓕᒃᑲᓐᓂᖃᑦᑕᒻᒪᖔᒻᒪ ᖃᖓᓕᒫᒃᑯᑦ ᑖᒃᑯᑎᒎᓇ. ᐅᕙᓐᓄᓪᓕ, ᐊᑐᓕᕈᑎᒋᓲᕆᒐᒃᑯ ᐃᓚᒋᔭᐅᓂᒻᒧᑦ ᑲᑎᑕᐅᓯᒪᔪᓂᒃ ᐃᓱᒪᖃᑎᒌᓐᓂᖏᓐᓄᑦ ᐊᕙᑎᓕᕆᓂᐅᔪᓂᒃ ᐊᑐᕈᓐᓇᖅᓯᓗᒋᑦ ᐋᖅᑭᓯᑦᑎᐋᕈᑎᓂᒃ ᐊᑲᐅᖏᓕᐅᕈᑎᖃᕈᓐᓃᑦᑎᑦᑎᓂᒻᒥᒃ ᐊᒻᒪᓗ ᐱᖃᖃᑎᒋᔭᐅᓕᓪᓗᖓ ᐱᓕᕆᒋᐊᓐᓂᒻᒥᒃ ᓯᓚᐅᑉ ᐊᓯᔾᔨᖅᐸᓪᓕᐋᓂᖓᓂ.
ᐊᐃᔅᓖᓐ ᐅᒥᓕᒐᑦᑐᒃ
ᐊᐃᔅᓖᓐ ᐅᒥᓕᒐᑦᑑᕗᖓ, ᐊᒻᒪᓗ ᐃᖃᓗᑦᑑᑦᑎᐊᒻᒥᐅᑕᐅᓪᓗᖓ. ᐃᓚᐅᓕᓚᐅᕋᒪ ᑖᔅᓱᒧᖓ ᑲᑎᒪᔨᕋᓛᒧᑦ ᑲᓲᑎᒃᑲᓐᓂᕈᒻᒪᓪᓗᖓ ᓄᓇᕐᔪᐋᓕᕆᓂᒻᒧᑦ, ᐊᒻᒪᓗ ᐃᑲᔪᓪᓗᒍ ᓄᓇᕐᔪᐋᒧᖓᔪᖅ. ᓄᓇ, ᐊᒻᒪᓗ ᐃᒪᕕᒃ ᐱᒻᒪᕆᐋᓗᒻᒪᑎᒃ ᐃᓄᓐᓄᑦ, ᓂᕿᓴᓂᕕᐊᖃᑦᑕᓐᓂᖓᓄᑦ. ᑕᐃᒪᓐᓇ ᐱᕈᓴᔭᐅᓚᐅᕋᒪ, ᐊᒻᒪᓗ ᐃᑲᔪᕈᒪᓪᓗᒍ ᓄᓇᕐᔪᐊᖅ, ᑕᐃᒫᓪᓗᐊᖅ ᓄᓇᕐᔪᐊᖅ ᐃᑲᔪᔅᓯᒪᒻᒫᖓ ᐃᓚᒃᑲᓗ.
ᓯᑯ ᕉᕼᐋᔅ
ᕆᐱᑲ ᓯᒻᔅ
ᖃᓄᐄᓕᒐᔭᓐᓂᑉᐸᑦ ᓄᓇᔾᔪᐋᕆᔭᕗᑦ ᐱᖃᑖᓂ ᐅᖃᓕᒪᒐᓕᐊᖑᕙᓪᓕᐋᓂᖓᓂ ᐃᑉᐱᒋᔭᐅᑦᑎᐋᕆᐋᖃᒻᒪᑦ. ᐃᓅᓱᑦᑐᓪᓗᑕ, ᐱᓕᕆᐋᖃᕋᑦᑕ ᓈᒪᓕᕈᑎᔪᓂᒃ ᐃᖃᓇᐃᔮᖃᓪᓗᑕ ᓄᖑᑕᐅᑎᑦᑎᑕᐃᓕᒪᓂᒻᒥᒃ, ᐃᓕᓐᓂᐊᖅᓯᒪᓂᒻᒥᒃ, ᐊᒻᒪᓗ ᐃᓕᓴᔅᓯᓂᒻᒥᒃ ᐊᓯᕈᑉᐸᓪᓕᐋᖏᓐᓇᓐᓂᕆᔭᖓᓂᒃ ᓯᓚᐅᑉ ᑕᒫᓂᑐᐊᖑᖏᑦᑐᖅ ᑲᓇᑕᐅᑉ ᓄᓇᓕᖃᕕᔾᔪᐋᖓᓂ, ᑭᓯᐋᓂᑦᑕᐅᖅ ᓄᓇᕐᔪᐋᓕᒫᒥ. ᐊᐱᖅᑯᓯᕆᔭᐅᔪᖅ ᓴᖅᑭᓯᒪᒻᒪᑦ ᑭᖑᕚᕆᓂᒃ ᐃᒪᐃᓕᔪᖅ “ᑕᒪᓐᓈ ᓯᓚᐅᑉ ᐊᓯᔾᔨᑉᐸᓪᓕᐋᓂᖔ ᐱᑕᖃᖅᑳ?” ᓱᓕᔫᓕᑦᑎᖔᓪᓗᒍ ᐃᒪᐃᓕᖔᓕᓪᓗᓂ ᐱᓕᕆᐋᕆᒐᓱᐋᓪᓗᒍ “ᖃᓄᖅ ᐅᓇᑕᕈᓐᓇᖅᑲᕘᑦ ᓯᓚᐅᑉ ᐊᓯᔾᔨᑉᐸᓪᓕᐋᓂᖔ?”. ᑖᓐᓇ ᓄᓇᕐᔪᐋᖅ ᐃᓅᕕᒋᔭᕗᑦ ᒫᓐᓇ ᐊᓯᕈᖃᑦᑕᐃᓐᓇᓕᒻᒪᑦ ᓇᓗᓇᓐᓇᑎᒃ ᐊᑦᑐᐄᓂᖏᑦ ᓇᓪᓕᕈᑎᓂᐅᔪᓂ ᓯᓚᓪᓕᖃᑦᑕᓐᓂᖓᑕ ᖃᓄᐃᓘᖃᑦᑕᓐᓂᖏᑦ, ᐱᖅᑯᓯᕆᔭᐅᖏᑦᑐᒃᑯᑦ ᐊᑐᑉᐸᓕᕐᖓᑕ ᐊᑐᑉᐸᓪᓕᐋᔪᑦ ᐃᓘᓐᓇᓕᒫᖏᑎᒍ ᐃᓕᖅᑯᓯᖏᓐᓂ ᐆᒪᔪᐃᑦ, ᐊᒻᒪᓗ ᐊᓯᒃᑲᓐᓂᖏᑎᒍ. ᐅᑭᐅᑦᑕᑦᑐᒻᒥ, ᑕᒪᓐᓇ ᐊᑐᑉᐸᓪᓕᐋᓕᒻᒪᑦ ᓱᑲᑦᑐᐋᓗᒻᒥᒃ ᓱᑲᓐᓂᖃᓪᓗᓂ ᐊᔾᔨᐅᓂᔅᓯᐅᓪᓗᒍ ᑕᐅᓇᓃᓐᓂᓴᓄᑦ ᖃᓪᓗᓇᑦ ᓄᓇᖓᓐᓂ ᐊᕕᒃᑐᖅᓯᒪᐅᓂᐅᔪᓂ.
ᐃᓚᒋᔭᐅᒐᒪ ᑖᔅᓱᒧᖓ ᑲᑎᒪᔨᕋᓛᒻᒧᑦ ᑲᒪᒋᔭᖃᕈᒪᓪᓗᖓ ᐊᒻᒪᓗ ᐃᓚᒋᔭᐅᒍᒪᓪᓗᖓ ᐊᑐᑦᑕᐅᒋᐊᓕᓐᓄᑦ ᐊᓯᕈᓂᕆᔭᐅᒋᐋᖃᑦᑐᓄᑦ ᓴᐳᒥᔭᐅᖁᓪᓗᒍ ᓯᓚᕗᑦ. ᐊᐱᖁᑎᖃᕈᓐᓃᓪᓗᖓ ᖃᓄᐄᓗᓪᓗᑎᒃ ᐃᒃᑯᐋ ᐱᓕᕆᓂᐋᓕᖅᑳᑦ, ᐃᓱᒪᔅᓴᔅᓯᐅᕈᑎᖃᖔᕆᐊᖃᓕᑦᑐᖓ ᖃᓄᐃᓘᓐᓂᐋᓕᖅᑭᑖ?
ᐅᕙᒍᑦ ᑭᖑᓕᕆᔭᐅᓕᕋᑦᑕ ᑭᖑᕚᖑᖃᑎᒋᔭᐅᓂᒻᒥ. ᓴᖅᑭᑎᑦᑎᓂᐋᓕᕋᒃᑕ ᐊᓯᕈᑦᑎᑦᑎᒍᑎᒋᔪᐅᔪᓂᒃ. ᐱᒋᐋᑦᑎᑦᑎᒋᐋᖃᕋᑦᑕ ᐅᕙᒎᓪᓗᑕ.”