You are here

ᓯᓚᖓᓄ ᐊᓯᔾᔨᕐᓂᖓᓄ ᒪᒃᑯᑦᑐᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᑦ

ᐃᓱᓕᕝᕕᑦᓴᖓ ᐅᖓᕙᕆᐊᖅᑕᐅᔪᖅ: ᐊᐃᕆᓕ 9ᒥ ᓯᕿᙳᔭᖅ 5ᒥ ᐅᓐᓄᓴᒃᑯᑦ.

ᑭᓲᕙ ᓯᓚᖓᓄ ᐊᓯᔾᔨᕐᓂᖓᓄ ᒪᒃᑯᑦᑐᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᑦ?

ᓯᓚᖓᓄ ᐊᓯᔾᔨᕐᓂᖓᓄ ᑎᑎᕋᕐᕕᖓ (CCS) ᐱᒋᐊᖅᑎᑦᑎᔪᑦ ᓯᓚᖓᓄ ᐊᓯᔾᔨᕐᓂᖓᓄ ᒪᒃᑯᑦᑐᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᓂᑦ ᓂᐱᖃᖅᑎᑦᑎᓗᑎ ᒪᒃᑯᑦᑐᓄᑦ ᐱᒃᑲᐅᓛᓄᑦ ᓯᓚᖓᓄ ᐊᓯᔾᔨᕐᓂᖓᓄ ᐃᓱᒫᓘᑕᐅᔪᓂᑦ ᓄᓇᕗᒻᒥ. ᐃᖅᑲᓇᐃᔮᕆᔭᖏᑦ ᑲᑎᒪᔨᕋᓛᑦᑐᑭᒧᐊᖅᑎᑦᑎᓂᐊᖅᑐᑦ ᐊᒻᒪ ᑐᑭᖃᑦᑎᐊᖅᑐᓂᑦ ᑐᓴᖅᑎᑦᑎᓗᑎ ᓯᓚᖓᓄ ᐊᓯᔾᔨᕐᓂᖓᓄ ᐊᑦᑐᐊᓂᓕᓐᓄᑦ ᐱᓕᕆᔭᐅᔪᓄᑦ ᓄᓇᕗᒻ.

ᑲᑎᒪᔨᕋᓛᓂᑦ ᐃᓚᒋᔭᐅᖢᑎᑦ ᐃᒪᐃᓐᓂᐊᖅᑐᑎᑦ:

  • ᐅᔾᔨᕈᓱᑎᑦᑎᓗᑎᑦ ᓄᓇᕗᒻᒥᐅᑕᓂᑦ ᓯᓚᖓᓄ ᐊᓯᔾᔨᕐᓂᖓᓄ ᐃᓱᒫᓘᑕᐅᔪᓂᑦ ᐊᑦᑐᐃᓐᓂᖃᖅᑐᑦ ᓄᓇᓕᖏᓐᓂᑦ.
  • ᐃᓱᒪᒋᔭᖏᓐᓂ ᐊᒻᒪ ᑐᓴᖅᑎᑦᑎᓗᑎ ᓯᓚᖓᓄ ᐊᓯᔾᔨᕐᓂᐊᓄ ᑎᑎᕋᕐᕕᖓ ᐅᑯᓂᖓ ᓯᓚᖓᓄ ᐊᓯᔾᔨᕐᓂᖓᓄ ᑎᑎᕋᕐᕕᖓ ᐱᓕᕆᐊᓄᑦ, ᐊᑐᐊᒐᕐᓄᑦ ᐊᒻᒪ ᐱᓕᕆᔭᐅᔪᓄᑦ.
  • ᐅᖃᐅᑎᒋᐊᕐᓗᒋᑦ ᓯᓚᖓᓄ ᐊᓯᔾᔨᕐᓂᖓᓄ ᑎᑎᕋᕐᕕᖓ ᓴᖅᑭᐸᓪᓕᐊᔪᓂᑦ ᓯᓚᖓᓄ ᐊᓯᔾᔨᕐᓂᖓᓄ ᑎᑎᕋᕐᕕᖓ ᓴᖅᑭᐸᓪᓕᐊᔪᒥ ᓯᓚᖓᓄ ᐊᓯᔾᔨᕐᓂᖓᓄ ᐃᓱᒫᓘᑕᐅᔪᓂᑦ ᐃᓱᒫᓘᑎᒋᔭᐅᔪᓂᑦ ᒪᒃᑯᑦᑐᓄᑦ.
  • ᑭᒡᒐᖅᑐᐃᓗᓂ ᓄᓇᕗᒻᒥ ᒪᒃᑯᑦᑐᑦ ᓯᓚᖓᓄ ᐊᓯᔾᔨᕐᓂᖓᓄ ᑲᑎᓐᓂᐅᔪᓂᑦ; ᐊᒻᒪ
  • ᐱᕕᔅᓴᖃᕐᓗᑎ ᐃᓚᒋᔭᐅᑎᑕᐅᓗᑎ ᓯᓚᖓᓄ ᐊᓯᔾᔨᕐᓂᖓᓄ ᓯᕗᓕᖅᑎᓂᑦ ᓄᓇᕗᒻᒥ.

ᑐᔅᓯᕋᐅᑎᓕᐅᕈᑏᑦ ᐱᔭᐅᔪᓐᓇᖅᑐᑦ ᑎᑭᒐᓱᐊᕐᓂᖓᓄ 31, 2021 ᐊᐃᕆᓕ 9ᒥ ᓯᕿᙳᔭᖅ 5ᒥ ᐅᓐᓄᓴᒃᑯᑦ.

 

ᑭᒃᑯᑦ ᐱᓇᓱᐊᕈᓐᓇᖅᑎᑕᐅᕙᑦ ᒪᒃᑯᑦᑐᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᓄᑦ?

  • ᐃᓚᒋᔭᐅᓂᖅ ᑕᕝᕙᓂ ᑲᑎᒪᔨᕋᓛᓂᑦ ᐱᖃᓯᐅᔾᔨᓂᐊᖅᑐᑦ ᐅᑯᓂᖓ ᒪᒃᑯᑦᑐᓂᑦ (18-29 ᐊᕐᕌᒍᓖᑦ):
    • 2 ᒪᒃᑯᑦᑐᑦ ᐅᑯᓂᖓ ᐅᐊᓐᓇᖓᓂ ᕿᑭᖅᑖᓗᒃ (ᖃᐅᓱᐃᑦᑐᖅ, ᐊᐅᓱᐃᑦᑐᖅ, ᐃᑉᐱᐊᕐᔪᒃ, ᒥᑦᑎᒪᑕᓕᒃ, ᑲᖏᖅᑐᒑᐱᒃ, ᐃᒡᓗᓕᒃ ᐊᒻᒪ ᓴᓂᕋᔭᒃ)
    • 2 ᒪᒃᑯᑦᑐᑦ ᐅᑯᓂᖓ ᓂᒋᖓᓂ ᕿᑭᖅᑖᓗᒃ (ᕿᑭᕐᑕᖅᔪᐊᖅ, ᐸᓐᓂᖅᑑᖅ, ᐃᖃᓗᐃᑦ, ᑭᒻᒥᕈᑦ, ᑭᓐᖓᐃᑦ, ᓴᓂᑭᓗᐊᖅ)
    • 3 ᒪᒃᑯᑦᑐᑦ ᑭᕙᓪᓕᕐᒥ
    • 2 ᒪᒃᑯᑦᑐᑦ  ᕿᑎᕐᒥᐅᓂ
  • ᑐᔅᓯᕋᐅᑎᓕᐅᖅᑐᑦ ᑕᑯᔅᓴᐅᑎᑦᑎᔭᕆᐊᓖᑦ ᐱᔪᒪᓂᖃᕐᓂᖏᓐᓄᑦ ᓯᓚᖓᓄ ᐊᓯᔾᔨᕐᓂᖓᓄ ᐊᑦᑐᐊᓂᓖᑦ ᐃᓱᒫᓘᑕᐅᔪᑦ ᐊᒻᒪ ᑲᔪᖏᖅᓯᒪᓗᓂ ᐊᑕᖏᖅᑐᓂᑦ ᐃᓚᐅᖃᑕᐅᖏᓐᓇᕐᓗᓂ ᑲᑎᒪᔨᕋᓛᓄᑦ ᐱᓕᖕᕆᔭᐅᔪᓄᑦ ᐊᒻᒪ ᐱᓕᕆᐊᓄᑦ.
  • ᑐᔅᓯᕋᐅᑎᓕᐅᖅᑐᑦ ᑕᑯᔅᓴᐅᑎᑦᑎᔭᕆᐊᓖᒃ ᐅᑯᓂᖓ ᐱᐅᓂᖏᓐᓂ: ᓯᕗᓕᖅᑎᐅᓂᖅ; ᐃᓕᓐᓂᐊᕈᒪᓂᖃᕐᓂᖅ, ᐱᓕᕆᖃᑦᑕᖅᑐᓂ ᐃᓚᒋᔭᐅᔪᑦ ᓄᓇᓕᒻᒥ; ᐊᒻᒪ ᐱᔪᒪᓂᖃᕐᓗᓂ ᐊᔾᔨᒌᖏᑎᑦᑎᔪᓐᓇᕐᓗᓂ.
  • ᑐᔅᓯᕋᐅᑎᓕᐅᖅᑐᑦ ᑭᒡᒐᖅᑐᐃᔭᕆᐊᖃᓂᐊᖅᑐᑦ ᐊᒻᒪ ᑭᒡᒐᖅᑐᐃᓗᑎ ᓄᓇᓕᖏᓐᓂ.

ᑭᒃᑯᑦ ᑐᔅᓯᕋᐅᑎᓕᐅᕈᓐᓇᖅᑲᑦ?

ᑭᒃᑯᑐᐃᓐᓇᐃᑦ ᒪᒃᑯᑦᑐᐃᑦ ᐊᕐᕌᒍᓖᑦ ᐊᑯᓐᓂᖏᓐᓂ 18-29 ᐊᕐᕋᒍᓖᑦ ᓄᓇᓕᒋᔭᖓ ᓄᓇᕗᒻᒦᑦᑐᓂ ᑐᔅᓯᕋᐅᑎᓕᐅᕈᓐᓇᖅᑐᖅ.

ᓯᕗᓪᓕᐅᔾᔭᐅᓂᐊᖅᑐᑦ ᒪᒃᑯᑦᑐᑦ ᐊᑎᖃᖃᑕᐅᔪᑦ ᐊᑖᓂ ᓄᓇᕗᒻᒧᑦ ᐊᖏᕈᑦ.

ᖃᓄᖅ ᑐᔅᓯᕋᐅᑎᓕᐅᕈᓐᓇᖅᑯᖓ?

  • ᓇᕿᓪᓗᒍ ᐅᓇ ᑕᑕᑎᕐᓗᒍ ᑐᔅᓯᕋᐅᑎᓕᐅᕈᑦ ᑕᑕᑎᕆᐊᓕᒃ
  • ᖃᐅᔨᒋᐊᕐᕕᒋᒍᒃ climatechange@gov.nu.ca ᐅᕝᕙᓘᓐᓃᑦ (867) 975-7761 ᐱᓗᑎᑦ ᐸᐃᑉᐹᓂ ᐊᔾᔨᖏᓐᓂ ᑎᑎᖅᑲᓂᐊᕐᕕᒃᑯᑦ
  • ᐸᐃᑉᐹᑦ ᑐᔅᓯᕋᐅᑎᓕᐅᕈᑏᑦ ᐊᑐᐃᓐᓇᐅᑎᑕᐅᓂᐊᕐᒥᔪᑦ ᐃᕝᕕ ᓄᓇᓕᖓᓂ ᒐᕙᒪᒃᑯᓐᓂ ᐅᖃᖃᑎᒌᒃᑎᑦᑎᓂᒃᑯᑦ ᑎᑎᕋᕐᕕᖓ (GLO).
  • ᑎᑎᕋᖅᓯᒪᔭᕆᐊᖃᓂᐊᖅᑐᑎᑦ ᒪᕐᕉᓐᓂᒃ (2) ᐃᓐᓇᕐᒧ ᐃᓚᒋᖏᑕᐃᑦ (ᐃᓕᓴᐃᔨ, ᐃᓕᓐᓂᐊᑎᑦᑎᔨ, ᐊᒻᒪ ᓄᓇᓕᒻᒥ ᐃᓚᒋᔭᐅᔪᖅ, ᐃᓐᓇᑐᖃᖅ) ᖃᐅᔨᒋᐊᕐᕕᖏᓐᓄᑦ ᐃᕝᕕᑦ ᑐᔅᓯᕋᐅᑎᓕᐅᕈᑎᖓᓄᑦ ᖃᐅᔨᒋᐊᕐᕕᐅᔪᓐᓇᖅᑐᑦ.

ᑭᓱᓕᕆᔾᔪᑎ ᖃᕋᓴᐅᔭᕐᒧ ᐱᓗᒍ: